فوتو: istockphoto.com
سوت شەشىمىنە سايكەس, الماتى قالالىق ءبىلىم باسقارماسىنا جانە وعان قاراستى بارلىق اۋداندىق بولىمدەر مەن مەكتەپتەرگە «كۇندەلىك» جۇيەسىنىڭ ورنىنا BilimClass نەمەسە كەز كەلگەن باسقا اقپاراتتىق جۇيەنى ەنگىزۋگە, تەستىلەۋدەن وتكىزۋگە نەمەسە پيلوتتىق رەجىمدە قولدانۋعا تىيىم سالىندى. بۇل شەشىم ءبىلىم بەرۋ سالاسىنداعى تسيفرلىق پلاتفورمالاردى الماستىرۋ پروتسەسىن ۋاقىتشا بۇعاتتاپ تاستادى.
Kundelik پلاتفورماسىنىڭ باستى بەتىندە پروكۋراتۋرا بلوگى ىسكە قوسىلدى
سونىمەن قاتار سوت مەكتەپ وقۋشىلارىنىڭ, اتا-انا مەن مۇعالىمدەردىڭ دەربەس دەرەكتەرىن Kundelik جۇيەسىنەن BilimClass پلاتفورماسىنا نەمەسە باسقا جۇيەلەرگە بەرۋگە, كوشىرۋگە جانە جۇكتەۋگە دە شەكتەۋ قويدى. سونداي-اق بالامالى تسيفرلىق پلاتفورمالاردى ەنگىزۋ بويىنشا جاڭا كەلىسىمشارتتار جاساسۋعا دا جول بەرىلمەيدى. ايتا كەتۋ كەرەك, بۇل سوت ۇيعارىمىنا ءالى دە الماتى قالالىق سوتىندا شاعىم ءتۇسىرۋ مۇمكىندىگى بار.
ەستەرىڭىزگە سالا كەتەيىك, 8 قاڭتار كۇنى الماتىنىڭ ءبىلىم باسقارماسى ءۇشىنشى توقساننان باستاپ مەگاپوليس مەكتەپتەرىنىڭ BilimClass جۇيەسىنە كوشەتىنىن جاريالاعان ەدى. بۇعان دەيىن «كۇندەلىك» كومپانياسى وقۋشىلار دەرەكتەرىنىڭ تارالۋىنا بايلانىستى 3 ملن تەڭگەگە جۋىق ايىپپۇل ارقالاعان بولاتىن.
