جەكە مەكتەپ مەملەكەت مەنشىگىنە بەرىلدى

وبلىس اكىمى نۇرلىبەك نالىباەۆ وڭىردە مەملەكەت باسشىسىنىڭ, ۇكىمەتتىڭ ەرەكشە قولداۋىمەن جۇزەگە اسقان اۋقىمدى جوبالار مەن تىڭ باستامالار تۋرالى ايتىپ ءوتتى. وبلىستىق ءبىلىم باسقارماسىنىڭ باسشىسى اسقاربەك ەسجانوۆ پەن «Orda school» مەكتەبىنىڭ قۇرىلتايشىسى مۇرات باقتيار ۇلى مەموراندۋمعا قول قويدى.

كەيىنگى جىلدارى بيۋدجەتتىڭ باسىم بولىگى الەۋمەتتىك سالاعا, ونىڭ ىشىندە بىلىمگە باعىتتالىپ وتىر. كەيىنگى 3 جىلدا سالاعا 812 ملرد 245 ملن تەڭگە, ال بيىل 346 ملرد 800 ملن تەڭگە جۇمسالىپتى. وڭىردە «Orda school» جەكەمەنشىك مەكتەپتەرىنىڭ جەلىسى 4-كە جەتتى. سابالاق ساياجايىنداعى 400 ورىندىق ءبىلىم وشاعىنىڭ قۇنى 520 ملن تەڭگە.

ء«بىزدىڭ ەڭ ءبىرىنشى مىندەتىمىز – بالا­لارىمىزدىڭ جان-جاقتى, ساپالى ءبىلىم الۋىنا قولايلى جاعداي جاساپ, جايلى ورتا قالىپتاستىرۋ», دەدى ايماعىمىزدا العاشقىلاردىڭ ءبىرى بولىپ, تاۋەكەلگە بەل بۋىپ, قارجىسىن ءبىلىم سالاسىنا سالعان مۇرات باقتيار ۇلى.

«Orda school-2» جەكە مەكتەبى ورىن تەپكەن «سابالاق» ساياجايى اۋماعى جىل سايىن كەڭەيىپ, حالىق سانى ارتىپ كەلەدى. تاۋەكەلگە بارىپ, وسى اۋماقتان العاش مەكتەپ اشقان قۇرىلتايشى 336 وقۋشىنى تەگىن وقىتىپ كەلدى. بيزنەستىڭ الەۋمەتتىك جاۋاپكەرشىلىگى اياسىندا وسىدان 2 جىل بۇرىن اشىلعان جەكەمەنشىك ءبىلىم وشاعى «Orda school-2» ەندى №297 ورتا مەكتەپ بولىپ قايتا قۇرىلىپ, مەملەكەتتىك مەكەمە رەتىندە جۇمىسىن جالعاستىرادى. جاس ورەندەرىمىزدىڭ يگىلىگى جولىندا جاساعان باتىل قادامى ءۇشىن سىر جۇرتشىلىعى اتىنان مۇرات باقتيار ۇلىنا العىسىمىزدى بىلدىرەمىز. باسەكەگە قابىلەتتى, زاماننىڭ جاڭا شاقىرتۋلارىنا دايىن, وزىق ويلى ۇرپاق تاربيەلەۋ جولىنداعى باستامالارىڭىزعا ساتتىلىك تىلەيمىن», دەدى ءوڭىر باسشىسى.

بۇعان دەيىن ساياجايدان قالاداعى مەكتەپتەرگە قاتىناپ وقۋعا ءماجبۇر بولعان 326 وقۋشىنىڭ ماسەلەسى تولىق شەشىمىن تابادى.

باسقوسۋدا «ۇلاعات» مەكتەبىنىڭ قۇرىل­تايشىسى قالقازبەك اجىبەكوۆ, «زەردە» مەكتەبىنىڭ قۇرىلتايشىسى سەيىتقالي الشىن­باەۆتار ءسوز سويلەپ, جاڭا باستاماعا ساتتىلىك تىلەدى.

قىزىلوردا