Apple Google كومپانياسىمەن Gemini AI مودەلىن پايدالانۋ تۋرالى كەلىسىمشارتقا قول قويدى. ول بۇل مودەلدى Siri-ءدى جاقسارتۋ جانە نەيروندىق جەلى ونىمدەرىنىڭ باسقا مۇمكىندىكتەرىنە بىرىكتىرۋ ءۇشىن پايدالانۋدى جوسپارلاپ وتىر.
Apple, Temu, Valve: شەتەلدىك كومپانيالاردان قازىنامىزعا قانشا ميلليارد ءتۇستى؟
بۇل Google-عا الەم بويىنشا 2 ميللياردتان استام بەلسەندى Apple قۇرىلعىلارىنا قول جەتكىزۋگە مۇمكىندىك بەرەدى. كەلىسىمشارتتىڭ قارجىلىق شارتتارى جاريالانعان جوق.
Reuters اگەنتتىگىنىڭ حابارلاۋىنشا, ىشكى باعالاۋدان كەيىن Apple كومپانياسى Google تەحنولوگياسىن AI شەشىمدەرى ءۇشىن ەڭ ءتيىمدى دەپ تانىدى. كەلىسىم ەكى كورپوراتسيا اراسىنداعى سەرىكتەستىكتى جالعايدى.
CNN حابارلاۋىنشا, بۇل كەلىسىم Google ءۇشىن كرەمني القابىنىڭ تەحنولوگيالىق الىپتارى اراسىنداعى جاساندى ينتەللەكت سالاسىنداعى كوشباسشىلىق ءۇشىن باسەكەلەستىكتە «ۇلكەن جەڭىس» بولىپ سانالادى.
