لايىقتى باعا جانە ۆەنەتسياعا جولداما

كۇنى كەشە مادەنيەت جانە اقپارات مي­نيسترلىگى 61-ءشى ۆەنە­تسيا بيەننالەسىندەگى ۇلت­تىق پاۆيلونعا ارنال­عان كۋرا­تورلىق ۇسىنىستار كون­كۋرسىنىڭ قورىتىندىسىن جاريالادى. ەسكە سالا كە­تەيىك, كونكۋرس 2025 جىلدىڭ قاراشا ايىندا جاريالانىپ قويعان. ونداعى ماقسات – بيىلعى بيەننالەدە «In Minor Keys» تاقىرىبىن اشاتىن, تۇجىرىمدامالىق جانە كوركەمدىك تۇرعىدان ءبىرتۇتاس جوبانى ىرىكتەۋ جانە قازاقستاننىڭ زاماناۋي ونەرىن حالىقارالىق دەڭگەيدە تانىستىرۋ. اتالعان بايقاۋ­دا داۋىس بەرۋ ناتيجەسى بو­يىن­شا «قوڭىر: ارحيۆ ءۇنى» تۇجى­رىمداماسى جەڭىمپاز اتاندى. جوبانىڭ كۋراتورى – سىرلىبەك بەكبوتاەۆ.

كونكۋرس ۇلتتىق پاۆيلوندى دايىنداۋدا اشىق ءارى تۇراقتى تاجىريبەنى قا­لىپتاستىرۋ ماقساتىندا ۇيىمداستىرىلدى. وتى­نىم­دەر ءبىر اي بويى قابىلداندى. ىرىكتەۋ ەكى كەزەڭنەن تۇر­دى. ءبىرىنشى كەزەڭدە ۇسى­نىل­عان ماتەريالدارعا ساراپ­تا­ما­لىق باعالاۋ جاسال­دى, ال ەكىنشى­سىندە فيناليستەرمەن ونلاين-سۇحبات جۇرگىزىلدى.

ءبىرىنشى كەزەڭنىڭ فينالىنا ءۇش جوبا ءوتتى. ەكىنشى كەزەڭدە قازىلار القاسى ءار­بىر فيناليسپەن ونلاين-سۇح­بات وتكىزىپ, تالقىلاۋ قورى­تىن­دىسى بويىنشا اقتىق داۋىس بەرۋ پاراقتارىن تولتىردى.

ىرىكتەۋ كوميسسياسى پان­ارالىق ساراپتاما قا­عي­داتى بويىنشا قۇ­رى­لىپ, ونىڭ قۇرامىندا زاماناۋي ونەر, ونەرتانۋ, تاۋەل­سىز تەاتر مەن مۋزىكا سالا­لارىنداعى جەرگىلىكتى جانە حالىقارالىق مامان­دار, سونداي-اق اكادە­ميا­لىق قا­ۋىمداستىق پەن مەملە­كەتتىك مۋزەيلەر وكىل­دەرى وتىردى.

كونكۋرسقا كۋراتورلار مەن كۋراتورلىق توپتارعا ەل ازا­ماتتارى, كۋراتور­لىق قىز­مەت تاجىريبەسى بار ما­ماندار شاقىرىلدى. قازاقستاندا تۇ­­راتىن جانە جۇمىس ىستەي­تىن ۇمىت­كەر­لەرگە باسىمدىق بەرىلدى. حالىق­ارالىق كورمە­گە جولداما العان سىرلىبەك بەك­بوتاەۆ – سۋرەتشى ءارى كۋ­را­تور, استانا قالاسىندا تۇ­رىپ جۇمىس ىستەيدى. ونىڭ شى­عارماشىلىعى مەن مول تاجى­ريبەسى كوشپەلىلەر ءومىرى مەن مادەني مۇرا تاقى­­رى­بىنا ارنالعان. 2025 جىلى ول ل.ن.گۋميلەۆ اتىن­داعى ەۋرازيا ۇلتتىق ۋني­ۆەرسيتەتىن «مادە­نيەت­تانۋ» ماماندىعى بويىنشا تامامداعان.

ۆەنەتسيا بيەننالەسى 1895 جىلدان باستاپ ۆەنە­تسيا­دا ەكى جىلدا ءبىر رەت وتكى­زىلەتىن ەڭ بەدەلدى حالىق­ارالىق كورمەلەردىڭ ءبىرى ەكەنىن اتاپ وتكەن ءجون. بۇل ايتۋلى وقيعا الەمدىك ونەر­دىڭ دامۋ باعىتىن ايقىن­داي­دى, سونداي-اق زاماناۋي ترەندتەردى كەڭىنەن ­تا­نىس­­تىرادى.