كوميسسيا دەرەگىنشە, باجسىز اكەلۋ شەگى 200 ەۋرو دەڭگەيىندە (شامامەن 119 مىڭ تەڭگە) قالادى. بۇل شەكتى مولشەر كەيىن قايتا قارالۋى مۇمكىن.
ەگەر شەك اسىپ كەتسە, جەكە تۇلعالاردان ۇلتتىق دەڭگەيدە بەلگىلەنگەن قوسىلعان قۇن سالىعى (ققس) مولشەرلەمەلەرىنەن بولەك, ارتىق سوماعا 5% مولشەرىندە كەدەندىك باج سالىعى الىنادى. سونىمەن قاتار تولەم كولەمى ءبىر كيلوگرامم ءۇشىن كەمىندە 1 ەۋرودان (شامامەن 595 تەڭگە) كەم بولماۋى ءتيىس. ال كەيبىر تاۋار تۇرلەرىنە, ونىڭ ىشىندە اۆتوكولىكتەرگە ارنايى مولشەرلەمەلەر بەلگىلەنگەن.
اقپاراتتا كورسەتىلگەندەي, جاڭا ەرەجەلەر ەاەو اۋماعىنان تىس ماركەتپلەيستەردەن الىناتىن تاۋارلارعا قاتىستى. وسىعان بايلانىستى قازاقستاندىقتارعا Wildberries پەن Ozon پلاتفورمالارىنان ساتىپ العان تاۋارلاردى دەكلاراتسيالاۋ قاجەت بولمايدى.
ەلىمىز «ەاەو+» سەرىكتەستىگىن كەڭەيتپەك
سونىمەن قاتار كوميسسيا ەلەكتروندى ساۋدادا مامانداندىرىلعان دەكلاراتسيانى قولدانۋدا جەڭىلدىك بەرىلمەيتىن, مىندەتتى تۇردە دەكلاراتسيالاناتىن تاۋارلار ءتىزىمىن بەكىتتى. اتالعان تىزىمگە:
– الكوگول ونىمدەرى
– تەمەكى بۇيىمدارى
– قولما-قول اقشا
– اۋە جانە سۋ كولىكتەرى
– جەكەلەگەن كولىك تۇرلەرى جانە ولاردىڭ شاسسيلەرى ەنگىزىلدى.
سونداي-اق جەكە پايدالانۋعا ارنالماعان تاۋارلار قاتارىنا جاتاتىن بىرقاتار ساتىپ الۋلار دا دەكلاراتسيالانۋى ءتيىس. ولاردىڭ ىشىندە:
– سولياري جابدىقتارى
– ىشتەن جاناتىن قوزعالتقىشتار
– مەديتسينالىق جيھاز
– ويىن اۆتوماتتارى جانە وزگە دە تاۋارلار بار.
بۇدان بولەك, اكەلۋ جانە اكەتۋ ءتارتىبى رۇقساتپەن جۇزەگە اسىرىلاتىن تاۋارلار ءتىزىمى كورسەتىلدى. اتاپ ايتقاندا:
– قارۋ جانە وق-ءدارى
– قازبا جانۋارلاردىڭ سۇيەكتەرى
– قاۋىپتى قالدىقتار جانە باسقا دا تاۋارلار.
ەەك-ءتىڭ ساۋدا جونىندەگى ءمينيسترى اندرەي سلەپنيوۆ قابىلدانعان شەشىمدەر پاكەتى ەاەو كەدەن كودەكسىنە ەنگىزىلگەن جانە ەلەكتروندى ساۋدا ماسەلەلەرىن رەتتەيتىن تۇزەتۋلەردىڭ تولىققاندى كۇشىنە ەنۋى ءۇشىن قاجەتتى نورماتيۆتىك-قۇقىقتىق بازانى قالىپتاستىرۋدى اياقتايتىنىن اتاپ ءوتتى. بۇل تۇزەتۋلەر ەاەو مەملەكەت باسشىلارى تاراپىنان 2023 جىلعى جەلتوقساندا قابىلدانعان.
جاڭا ءتارتىپ 1 شىلدەدەن باستاپ ەنگىزىلەدى دەپ جوسپارلانىپ وتىر.
