اقش ازاماتتىعىنان باس تارتقان امەريكالىقتار كوبەيىپ وتىر

استانا. 12 مامىر. شەتەلدەردە تۇراتىن امەريكالىقتاردىڭ اقش ازاماتتىعىنان باس تارتۋشىلىعى بيىل رەكوردتىق كورسەتكىشكە جەتتى. بۇل تۋرالى «روسسيسكايا گازەتا» حابارلادى. اقش ىشكى سالىق قىزمەتىنىڭ رەسمي ستاتيستيكاسى بويىنشا, تەك 2015 جىلدىڭ ءبىرىنشى توقسانىندا عانا 1,3 مىڭ امەريكالىق ازاماتتىقتان شىعۋ جونىندە ارىز جازعان. بۇلايشا ازاماتتىقتان باس تارتۋشىلار سانىنىڭ كۇرت وسۋىنە اكىمشىلىكتىڭ شەت ەلدەردە جۇرگەن ءوز ازاماتتارىنىڭ تابىستارىن انىقتاۋعا باعىتتالعان سالىق ساياساتىنىڭ قاتاڭدانىپ كەتكەنى سەبەپ بولىپ وتىرعان سياقتى. اتاپ ايتقاندا, 2010 جىلى قابىلدانعان زاڭ الەمدەگى بارلىق بانكتاردى اقش ازاماتتارىنىڭ ەسەپشوتتارى مالىمەتتەردى امەريكا وكىمەتىنە ۇسىنىپ تۇرۋعا مىندەتتەيدى. ال بۇل تالاپتى ورىنداۋعا شامامەن 110 ەلدەگى قارجى ينستيتۋتتارى ءوز كەلىسىمدەرىن بەرگەن ەكەن. باراك وباما اكىمشىلىگى بۇل زاڭدى «سالىقتان جالتارۋمەن كۇرەستىڭ حالىقارالىق ستاندارتى» دەپ باعالادى. الايدا, شەت ەلدەردە تۇراتىن كوپتەگەن امەريكالىقتار مۇنى شەكتەن شىققان شارا رەتىندە قابىلداپ, قاتتى سىنعا الىپ وتىر. قۇرىش نۇرىمبەت. دەرەك, سۋرەت: روسسيسكايا گازەتا.