قور دەرەكتەرىنە سايكەس, 2024 جىلعى اقپاننان 2026 جىلعى 1 قاڭتارعا دەيىن تۇرعىن ءۇي جاعدايىن جاقسارتۋ ماقساتىندا 127 445 ءوتىنىش ورىندالىپ, جالپى سوماسى 19,69 ملن اقش دوللارىن قۇرادى. ال ءبىلىم بەرۋ اقىسىن تولەۋ ءۇشىن 78 060 ءوتىنىش ماقۇلدانىپ, 11,92 ملن اقش دوللارى باعىتتالعان.
تۇرعىن ءۇي جاعدايىن جاقسارتۋ باعىتى بويىنشا ەڭ ءجيى تاڭدالعان كىشى ماقساتتار مىنالار بولدى:
– تۇرعىن ءۇي قۇرىلىس جيناق جۇيەسىندەگى سالىمدى تولىقتىرۋ ارقىلى ءارى قاراي جيناقتاۋ ءۇشىن 124 490 ءوتىنىش, جالپى سوماسى 19,27 ملن اقش دوللارى;
– تۇرعىن ءۇي ساتىپ الۋعا ارنالعان يپوتەكالىق قارىز الۋ ءۇشىن باستاپقى جارنا رەتىندە 999 ءوتىنىش, 145,39 مىڭ اقش دوللارى;
– ازاماتتىق-قۇقىقتىق مامىلەلەر ارقىلى تۇرعىن ءۇيدى مەنشىگىنە ساتىپ الۋ ءۇشىن تۇپكىلىكتى ەسەپ ايىرىسۋ ماقساتىندا 757 ءوتىنىش, 108,64 مىڭ اقش دوللارى.
ءبىلىم بەرۋ سالاسىندا تولەمدەر نەگىزىنەن قازاقستان اۋماعىندا ورنالاسقان ءبىلىم بەرۋ ۇيىمدارىنىڭ قىزمەتتەرىن تولەۋگە جۇمسالعان.
اتاپ ايتقاندا:
– وقۋ اقىسى ءۇشىن كەزەڭ-كەزەڭىمەن نەمەسە تولىق كولەمدە بىرجولعى تولەم جاساۋعا 71 025 ءوتىنىش, 11,03 ملن اقش دوللارى;
– ءبىلىم بەرۋ جيناقتاۋ سالىمىن تولىقتىرۋعا 4933 ءوتىنىش, 608,47 مىڭ اقش دوللارى;
– شەتەلدىك ءبىلىم بەرۋ ۇيىمدارىنىڭ قىزمەتتەرىن تولەۋگە 1706 ءوتىنىش, 228,32 مىڭ اقش دوللارى باعىتتالعان.
بجزق مالىمەتىنشە, باعدارلاما اياسىنداعى تولەمدەرگە سۇرانىس تۇراقتى تۇردە ءوسىپ كەلەدى, ال نەگىزگى باسىمدىق تۇرعىن ءۇي مەن ءبىلىم بەرۋ قاجەتتىلىكتەرىنە بەرىلىپ وتىر.
