ياعني, ءار باعدارلاما ءوز تالاپتارىمەن ۇسىنىلادى, ال بانكتەر پايىزدىق مولشەرلەمەنى جيناق كولەمىنە قاراي كەزەڭ-كەزەڭىمەن تومەندەتۋ تەتىگىن قولدانۋدى جوسپارلاپ وتىر.
وسى ورايدا, بيىل نەگىزگى باعدارلامالار قانداي بولۋى ىقتيمال دەگەن زاڭدى ساۋال تۋىندايدى.
ولار:
- «ناۋرىز» جانە «ناۋرىز جۇمىسكەر» – ءوتىنىم قابىلداۋ كوكتەمدە باستالادى. «ناۋرىز» يپوتەكاسىن كەڭەيتۋ نۇسقالارى دا قاراستىرىلىپ جاتىر.
- «7-20-25» – 2026 جىلى باعدارلاماعا قوسىمشا قارجى ءبولۋ جوسپارلانعان.
- «ۇماي» – ايەلدەرگە ارنالعان يپوتەكالىق ءونىم بيىل ىسكە قوسىلۋى مۇمكىن.
- «جاسىل يپوتەكا» – ەنەرگيا ۇنەمدەيتىن, ەكولوگيالىق ستاندارتتارعا ساي ۇيلەردى ساتىپ الۋعا باعىتتالعان.
ساراپشىلار يپوتەكانى ءتيىمدى شارتپەن الۋ ءۇشىن قازىردەن باستاپ وتباسى بانكتە دەپوزيت اشۋ, رەسمي ءارى تۇراقتى تابىستى راستاۋ, نەسيە تاريحىن تەكسەرۋ جانە العاشقى جارنا مەن اي سايىنعى تولەمدى الدىن الا ەسەپتەپ الۋ ماڭىزدى ەكەنىن ەسكەرتەدى جانە وسىنداي كەڭەس ايتادى.
