الماتى قالاسىنىڭ ماڭى
Shymbulak – ەلىمىزدەگى ەڭ تانىمال تاۋ شاڭعى كۋرورتتارىنىڭ ءبىرى. مۇندا جالپى ۇزىندىعى 20 شاقىرىمعا جەتەتىن ءارتۇرلى دەڭگەيدەگى تراسسالار, اسپالى جولدار جانە جالعا بەرۋ پۋنكتتەرى بار. 2023 جىلى الەمدەگى ەڭ بيىك تۇنگى تاۋ شاڭعى تراسساسى رەتىندە گيننەستىڭ رەكوردتار كىتابىنا ەنگەن. قوسىمشا مۇمكىندىكتەر: زيپلاين, اتپەن سەرۋەندەۋ, پاراپلانمەن ۇشۋ, كونكي تەبۋ.
Pioneer وتباسىلىق تاۋ كۋرورتى – ۇلتتىق پارك اۋماعىندا, 2000 مەتردەن جوعارى بيىكتىكتە ورنالاسقان. تراسسالاردىڭ جالپى ۇزىندىعى – 3 000 مەتر. اۋەسقويلارعا دا, تاجىريبەلى سپورتشىلارعا دا قولايلى. كۋرورت جىل بويى جۇمىس ىستەيدى. مۇندا تابيعي مارشرۋتتار, وتباسىلىق باعدارلامالار, قۇرال-جابدىقتاردى جالعا الۋ قىزمەتى بار.
الماتى وبلىسى
Oi-Qaragai – ءتورت ماۋسىمدىق وتباسىلىق تاۋ كۋرورتى. مۇندا جالپى ۇزىندىعى 28 شاقىرىمدى قۇرايتىن 15 تراسسا بار. اۋماعىندا مەيرامحانالار, قوناق ۇيلەر جانە ويىن-ساۋىق الاڭدارى جۇمىس ىستەيدى.
قوسىمشا: ارقاندى پارك, ات سپورتى ورتالىعى, ساداق اتۋ, پەينتبول, ەكسكۋرسيالار.
«اق بۇلاق» – بيىك تاۋلى ايماقتا ورنالاسقان, ءارتۇرلى دايىندىق دەڭگەيىنە ارنالعان تراسسالار مەن فريرايد باعىتتارىن ۇسىنادى. تراسسالاردىڭ ۇزىندىعى 2 500 مەترگە دەيىن جەتەدى.
قوسىمشا: ساۋىقتىرۋ باعدارلامالارى, كۆادروتسيكلدەر.
اقمولا وبلىسى
Orman Ski Resort (ششۋچە-بۋراباي كۋرورتتى ءوڭىرى) – جالپى ۇزىندىعى 800 مەترگە جەتەتىن ءارتۇرلى كۇردەلى تراسسالار, كوتەرگىشتەر, كەشكى جارىقتاندىرۋ, جالعا بەرۋ پۋنكتى جانە نۇسقاۋشىلار مەكتەبى بار كەشەن.
بەلسەندى دەمالىس تۇرلەرى: شاڭعى, سنوۋبورد, تيۋبينگ, قاردا جۇرەتىن كولىكتەر, شانامەن سىرعاناۋ, قاراعايلى ورماندا سەرۋەندەۋ.
Elikti Park – كوكشەتاۋ قالاسىنان 25 شاقىرىم جەردەگى زەرەندى اۋدانىندا ورنالاسقان. ۇزىندىعى 4 شاقىرىمعا جەتەتىن تراسسالار, بۋگەلدى جانە ورىندىقتى كوتەرگىشتەر, جابدىقتاردى جالعا بەرۋ قىزمەتى بار.
بەلسەندىلىكتەر: تاۋ شاڭعىسى, سنوۋبورد, تيۋبينگ, كونكي تەبۋ, تازا اۋاداعى سەرۋەن.
«نۇرتاۋ» بازاسى (ششۋچە-بۋراباي كۋرورتتى ءوڭىرى). مۇندا ۇزىندىعى 800 مەترلىك تراسسا, اسپالى جول جانە تيۋبينگكە ارنالعان سىرعاناق توبەشىكتەر بار.
شىعىس قازاقستان وبلىسى
وڭىردە 4 تاۋ شاڭعى ورنى جۇمىس ىستەيدى.
«التاي ءالپىسى» – وسكەمەن قالاسىنان 24 شاقىرىم جەردە ورنالاسقان كۋرورت. مۇندا ۇزىندىعى 4 500 مەترگە دەيىن جەتەتىن 12 ەڭىس بار. ماۋسىم قاراشادان ساۋىرگە دەيىن جالعاسادى.
قوسىمشا: نۇسقاۋشىلار قىزمەتى, جابدىقتاردى جالعا الۋ, پانتامەن ەمدەۋ, مونشا, بالىق اۋلاۋ, اتپەن سەرۋەندەۋ, ارقاندى پارك.
«نۇرتاۋ» – وبلىس ورتالىعىنان 35 شاقىرىم جەردە ورنالاسقان. قوناقتارعا ەكى نەگىزگى جانە ءبىر ەڭىسى بار. سونداي-اق فريرايد ايماقتار مەن ورىندىقتار جۇمىس ىستەيدى. تراسسالاردىڭ ۇزىندىعى – شامامەن 2 000 مەتر. اۋماقتا كوتتەدج قالاشىقتارى مەن بالالارعا ارنالعان ورتالىق بار.
قوسىمشا: تيۋبينگ, مونشا, وت جاعۋ الاڭى, قاردا جۇرەتىن كولىكتەرمەن ەكسكۋرسيالار.
ريددەر قالاسىنىڭ ماڭى
Stardust Camp – جوعارى-حايرۋزوۆكا اۋىلىندا ورنالاسقان. ۇزىندىعى 1 000 مەترلىك بۋگەلدى كوتەرگىش, تيۋبينگ, قوناق ءۇي مەن گلەمپينگتە ورنالاستىرۋ مۇمكىندىگى بار.
«ەدەلۆەيس» – ءارتۇرلى دەڭگەيدەگى تراسسالار, ونىڭ ىشىندە سلالومعا ارنالعان سەرتيفيكاتتالعان باعىتتار بار. جالپى ۇزىندىعى – شامامەن 1 300 مەتر.
تۇركىستان وبلىسى
«الاتاۋ» ءتورت ماۋسىمدىق كۋرورتى – تولەبي اۋدانى نىسانبەك اۋىلىندا ورنالاسقان.
قىستا شاڭعى, سنوۋبورد, تيۋبينگ جانە قاردا جۇرەتىن كولىكتەر قولجەتىمدى. تراسسالاردىڭ جالپى ۇزىندىعى – 1 800 مەتر.
قوسىمشا: قاردا سەرۋەندەۋ, اتپەن سەرۋەندەۋ, وتباسىلىق باعدارلامالار.
پاۆلودار وبلىسى
«مىرزاشوقى» تاۋ شاڭعىسى بازاسى – قاراجار اۋىلىنىڭ ماڭىندا ورنالاسقان. ۇزىندىعى 960 مەتر بولاتىن شاڭعى تراسسالارى مەن اسپالى جول بار. بازادا تۇنەۋ قاراستىرىلماعان.
قوسىمشا: تيۋبينگ, تازا اۋادا سەرۋەندەۋ, قاردا جۇرەتىن كولىكتەر, قىسقى پيكنيكتەر مەن ەكسكۋرسيالار.
تۋريزم جانە سپورت مينيسترلىگى قىسقى تۋريزم سالاسىنداعى ۇلتتىق ستاندارتتاردىڭ تىزبەسىن جەرگىلىكتى اتقارۋشى ورگاندارعا جولدادى. سونىمەن قاتار قىسقى ماۋسىمدا ۋاكىلەتتى مەملەكەتتىك ورگاندارمەن بىرلەسىپ پروفيلاكتيكالىق ءىس-شارالار وتكىزىلىپ, كوشپەلى مونيتورينگتىك تەكسەرۋلەر جوسپارلانعان.
تەكسەرۋ بارىسىندا تاۋ شاڭعىسى تراسسالارى مەن كوتەرگىشتەردىڭ جاعدايى, قاۋىپسىزدىك جانە سانيتارلىق تالاپتاردىڭ ساقتالۋى, سونداي-اق تۋريستىك ينفراقۇرىلىمنىڭ ۇلتتىق ستاندارتتارعا سايكەستىگى باعالانىپ, دەمالۋشىلاردىڭ قاۋىپسىزدىگى مەن جايلىلىعى قامتاماسىز ەتىلەدى.
قاپەرگە الايىق, مەملەكەت باسشىسى «Turkistan» گازەتىنە بەرگەن سۇحباتىندا تاۋ شاڭعىسى ءتۋريزمىن دامىتۋ ءۇشىن تىڭ تاسىلدەر كەرەك ەكەنىن اتاپ وتكەن ەدى.
