اقتاۋدا بيىل مىڭنان استام وتباسى ءۇشىن پاتەرلەر سالىنادى

اقتاۋ. 24 اقپان. بيىل اقتاۋدا باسپانا كەزەگىندە تۇرعاندار ءۇشىن 120 پاتەرلى ءۇش تۇرعىن ءۇي, جاس وتباسىلار ءۇشىن 60 پاتەردەن تۇراتىن ەكى تۇرعىن ءۇي كەشەنى جانە ازاماتتاردىڭ بارلىق ساناتىنا ارنالعان كوپ پاتەرلى بەس ءۇي سالۋ جوسپارلانعان. بۇل تۋرالى egemen.kz ءتىلشىسى حابارلادى. اقتاۋدا باسپانا قۇرىلىسى رەسپۋبليكالىق بيۋدجەت جانە بيۋدجەتتىك نەسيە قاراجاتى ەسەبىنەن جۇرگىزىلەدى. بۇل جۇمىستار ءۇشىن بيىل 4 ملرد. تەڭگە قارجى بولىنگەن. سونداي-اق, «قولجەتىمدى باسپانا-2020» باعدارلاماسى اياسىندا 3-ءشى شاعىن اۋداندا ورنالاسقان 15 اپاتتى ءۇيدىڭ دە ماسەلەسى شەشىلىپ, جىل سوڭىنا تامان مىڭنان استام وتباسى باسپانالى بولادى دەپ كۇتىلۋدە. اقتاۋ قالاسىنىڭ اكىمى ە.ءجاڭبىرشيننىڭ ايتۋىنشا, بيىل اپاتتى ۇيلەردى ءسۇرۋ جونىندەگى جوبالاردى جۇزەگە اسىرۋ اياسىندا تۇرعىن ءۇي سالۋ باعدارلاماسى ىسكە قوسىلماق. اقتاۋداعى اپاتتى دەپ تانىلعان ۇيلەردىڭ جالپى اۋماعى – 7,9 مىڭ شارشى مەتردى قۇرايدى. الداعى 6 جىلدا 370 پاتەردىڭ تۇرعىندارى جاڭا باسپاناعا قونىس اۋدارادى. – اقتاۋ قالاسىندا شاعىن جانە ورتا كاسىپكەرلىكتى دامىتۋ ماقساتىندا وندىرىستىك-قويما نىساندارى, كورمە ورتالىعى مەن تاعى داباسقا نىساندار ورنالاسقان يندۋستريالدى ايماق اشىلادى. قازىر ونەركاسىپتىك ايماقتى جوسپارلاۋ جوباسى ازىرلەنۋدە, دەيدى اقتاۋ قالاسىنىڭ اكىمى. گۇلايىم شىنتەمىرقىزى. دەرەك: egemen.kz. سۋرەت: el.kz.