فوتو: اشىق دەرەككوز
دەنساۋلىق ساقتاۋ مينيسترلىگىنىڭ مالىمەتىنشە, ۆەدومستۆو مەن ءىىم-ءنىڭ اقپاراتتىق جۇيەلەرىن بىرىكتىرۋ ارقىلى 369 888 ديسپانسەرلىك ەسەپتە تۇرعان ادامنىڭ دەرەكتەرى تالدانعان.
ناتيجەسىندە:
- 273 819 ازاماتقا بۇرىن جۇرگىزۋشى كۋالىگى بەرىلمەگەنى انىقتالعان;
- 41 677 ادامنىڭ جۇرگىزۋشى كۋالىگى بۇرىننان جارامسىز (جويىلعان) بولعان;
- 54 392 ازاماتتىڭ كۋالىكتەرى ءالى دە جارامدى بولعان.
2025 جىلعى 10 جەلتوقسانداعى جاعداي بويىنشا سوت ورگاندارىنا 4 540 تالاپ ارىز جولدانىپ, سونىڭ ناتيجەسىندە 1 787 جۇرگىزۋشى كۋالىگىنىڭ كۇشى جويىلعان. بۇل ازاماتتاردا كولىك جۇرگىزۋگە مەديتسينالىق قارسى كورسەتىلىمدەر بولعان.
سونداي-اق پسيحونەۆرولوگيالىق جانە ناركولوگيالىق ەسەپتە تۇرعان ازاماتتار تۋرالى مالىمەتتەر ەكى ۆەدومستۆونىڭ اقپاراتتىق جۇيەلەرى اراسىندا اۆتوماتتى تۇردە جاڭارتىلىپ, ناقتى ۋاقىت رەجيمىندە الماسىپ وتىرادى. بۇل دەرەكتەر جۇرگىزۋشى كۋالىگىنە رۇقسات بەرۋ كەزىندە ەسكەرىلەدى.
دەنساۋلىق ساقتاۋ مينيسترلىگى مەن ىشكى ىستەر مينيسترلىگى جول-كولىك قاۋىپسىزدىگىن باقىلاۋ جانە جولداعى تاۋەكەلدەردى ازايتۋ بويىنشا بىرلەسكەن جۇمىستى تسيفرلىق دەرەكتەر الماسۋ ارقىلى جالعاستىرادى. بۇل جاڭا شارا جكو سالدارىنان بولاتىن جاراقاتتانۋ, مۇگەدەكتىك پەن ءولىم-ءجىتىم دەڭگەيىن تومەندەتۋگە باعىتتالعان.
بۇعان دەيىن «ەپيلەپسيا» دياگنوزىمەن ەسەپتە تۇرعان, بەستەرەكتەگى 4 بالانىڭ ولىمىنە سەبەپكەر بولعان جۇرگىزۋشىنىڭ 9 جىلعا سوتتالعانى تۋرالى جازعان بولاتىنبىز.
