سوتتىڭ انىقتاۋىنشا, 2025 جىلعى 1 قاراشاعا قاراعان ءتۇنى سۋديا اسەل دوساەۆا ماس كۇيىندە كولىك ايداعان. مەديتسينالىق كۋالاندىرۋ ونىڭ جەڭىل دەڭگەيدە ماس بولعانىن كورسەتكەن. سونىمەن قاتار ونىڭ جۇرگىزۋشى كۋالىگىنىڭ مەرزىمى ءوتىپ كەتكەنى بەلگىلى بولدى. كولىك ايىپتۇراققا قويىلدى.
الايدا سۋديانى بىردەن جاۋاپكەرشىلىككە تارتۋ مۇمكىن بولماعان. ءىستى قاراۋدى باستاۋ ءۇشىن باس پروكۋراتۋرا پرەزيدەنتكە ۇسىنىس ەنگىزگەن. تەك وسىدان كەيىن عانا ءىس سوتقا جولداندى.
پوليتسيا قۇقىق بۇزۋشىلىقتى اكىمشىلىك قۇقىق بۇزۋشىلىق تۋرالى كودەكسىنىڭ 608-بابىنىڭ 8-بولىگى بويىنشا – كولىك باسقارۋ قۇقىعىنسىز ماس كۇيىندە جۇرگىزۋ رەتىندە سارالادى. ادەتتە بۇل ءۇشىن اكىمشىلىك قاماۋ قاراستىرىلادى. الايدا دوساەۆا قاماۋعا الىنعان جوق.
استانا سوتىنىڭ ءباسپاسوز قىزمەتىنىڭ حابارلاۋىنشا, 14 جاسقا دەيىنگى بالاسى بار ايەلدەرگە اكىمشىلىك قاماۋ قولدانىلمايدى. دوساەۆانىڭ 2013 جىلى تۋعان بالاسى بار. سوت بۇل جاعدايدا ەڭ قاتاڭ جازا رەتىندە اقشالاي ايىپپۇلدى تاعايىندادى.
قاۋلى ازىرشە زاڭدى كۇشىنە ەنگەن جوق.
اسەل دوساەۆا شامامەن ءبىر جىل بۇرىن ماڭعىستاۋ وبلىسىنان استاناعا كوشىپ بارعان. ول جەردە اۋداندىق سوتتا جۇمىس ىستەگەن.
