كيىز ءۇيدىڭ باۋ-باسقۇرى, تاڭعىشى, ۇزىك, تۋىرلىعى حالىق شەبەرى, امانگەلدى اۋدانى, امانتوعاي اۋىلىندا تۇرعان زەينەلعاراپ ومىربەكوۆانىڭ قولىنان شىققان.
«ال كيىز ءۇيدىڭ ءوزى سۇلەيمەن ومىربەك ۇلىنا تيەسىلى ەكەن. 1944 جىلى امانگەلدى باتىردىڭ ومىردەن وزعانىنا 25 جىل تولۋىنا وراي ۇيىمداستىرىلعان ءىس-شارالاردا قوناق كۇتۋگە دەپ وسى كيىز ءۇي ارنايى تىگىلگەن. سول مەرەكەلىك ءىس-شارادا ءالىبي جانگەلدين, ءالجان قاراباەۆ, ىبىراي اتامبەكوۆ سەكىلدى باتىردىڭ ۇزەڭگىلەس سەرىكتەرى وسى ۇيگە تۇسكەن. بەيىمبەت مايلين اقتالعان كەزدە دە قازىرگى مايلين اۋدانىندا وتكەن جيىندا ءسابيت مۇقانوۆ, مۇحامەتجان قاراتاەۆ سىندى الىپتار وسى ۇيگە قوناق بولعان», دەيدى مۋزەي ديرەكتورىنىڭ ورىنباسارى باتىرلان ساعىنتاەۆ.
تورىندە تالاي يگى جاقسى وتىرعان كونە كيىز ءۇيدى وزبەكالى جانىبەكوۆتىڭ ءوزى زەينەلعاراپ ومىربەكوۆادان سۇراپ الىپ, مۋزەي قورىنا اكەپ تاپسىرعان.
قوستاناي وبلىسى
