فوتو: ۇكىمەت
وسىعان وراي اۋىل شارۋاشىلىعى مينيسترلىگىنىڭ الدىنا ءبىر اپتا ىشىندە ەت ءوندىرىسى مەن ەكسپورتىنىڭ كولەمىن ارتتىرۋ جونىندەگى ناقتى شارالارمەن بىرگە, مال شارۋاشىلىعىن ودان ءارى دامىتۋ بويىنشا ۇسىنىستار ەنگىزۋ مىندەتى قويىلدى. سونداي-اق شارۋالارعا جەڭىلدەتىلگەن نەسيە بەرۋ تەتىگىن كەڭەيتۋ دە تاپسىرىلدى.
«ەگىنشىلەردى تىكەلەي سۋبسيديالاۋ ورنىنا جەڭىلدەتىلگەن نەسيە بەرۋ تەتىگى ءوزىنىڭ تيىمدىلىگىن كورسەتكەنىن ايتا كەتۋ كەرەك. مينيسترلىك «بايتەرەك» حولدينگىمەن بىرلەسىپ, وسىعان ۇقساس اۋىل شارۋاشىلىعىن قولداۋ قۇرالدارىنىڭ اياسىن كەڭەيتۋدى جالعاستىرۋى ءتيىس», دەدى ولجاس بەكتەنوۆ.
ۇكىمەت باسشىسى پرەزيدەنتتىڭ باعدارلامالىق سۇحباتىنىڭ قورىتىندىسى بويىنشا تۋريزم مينيسترلىگى مەن اكىمدىكتەرگە دە تاپسىرما جۇكتەدى.
«مەملەكەت باسشىسى اتاپ وتكەندەي, تۋريزم سالاسى ەكونوميكانىڭ بىرنەشە سەكتورىن قامتيدى. سوندىقتان بارلىق ءتيىستى مەملەكەتتىك ورگاندار مەن اكىمدىكتەردىڭ جۇمىسىن ۇيلەستىرۋ قاجەت. بۇل رەتتە, ءار وڭىردە ءوزىنىڭ ءتۋريزمدى دامىتۋ باعدارلامالارى بار», دەدى ولجاس بەكتەنوۆ.تۋريزم جانە سپورت مينيسترلىگى ءوڭىر اكىمدىكتەرىمەن بىرگە ءبىر اي مەرزىمدە ناقتى ءىس-شارالار جوسپارىن ۇسىنا وتىرىپ, 2029 جىلعا دەيىنگى ءتۋريزمدى دامىتۋ تۇجىرىمداماسىن تولىقتىرىپ, تۇزەتۋى قاجەت. وعان قوسىمشا عىلىم جانە جوعارى ءبىلىم مينيسترلىگىمەن بىرلەسىپ, تۋريزم سالاسىنداعى كادرلىق ماسەلەلەردى شەشۋ ءۇشىن قوسىمشا شارالار قابىلداۋ تاپسىرىلدى.
سونداي-اق بۇگىن ۇكىمەت وتىرىسىندا ەكونوميكانىڭ بارلىق سالاسىنا زاماناۋي تەحنولوگيالاردى ەنگىزۋ ماسەلەسى دە تالقىلاندى.
