فوتو: x.com/brazzers_don
Noticias Caracol راديوستانتسياسىنىڭ دەرەككوزدەرى وقيعا ايماعىنداعى ۇكىمەت مەكەمەلەرى شۇعىل تۇردە ەۆاكۋاتسيالانعانىن حابارلاپ وتىر. الدىن الا اقپارات بويىنشا, اۋدان ۇستىنەن ۇشقىشسىز اپپاراتتار ۇشىپ وتكەن بولۋى مۇمكىن, بۇل اۋە شابۋىلىنا قارسى قورعانىس جۇيەسىنىڭ جۇمىسىنا تۇرتكى بولعان.
مادۋرونىڭ تۇتقىندالۋى جانە اقش-تاعى سوت
ەسكە سالا كەتەيىك, 3 قاڭتار كۇنى امەريكا قۇراما شتاتتارى ۆەنەسۋەلاعا قارسى ارنايى وپەراتسيا جۇرگىزىپ, كاراكاستا پرەزيدەنت نيكولاس مادۋرو مەن ونىڭ جۇبايىن تۇتقىنداعان بولاتىن. كەيىنىرەك اقش پرەزيدەنتى دونالد ترامپ مادۋرو مەن ايەلىنىڭ كەمەمەن نيۋ-يورككە بارا جاتقانىن مالىمدەدى. نيكولاس مادۋرو مەن ونىڭ زايىبى سيليا فلورەسكە اۋىر ايىپتار تاعىلىپ وتىر:
- ناركوتەرروريزم ماقساتىنداعى ءسوز بايلاسۋ;
- كوكاين تاسىمالداۋ;
- پۋلەمەتتەر مەن جارىلعىش قۇرىلعىلاردى ساقتاۋ;
- اقش-قا قارسى پۋلەمەتتەر مەن جارىلعىش زاتتاردى قولدانۋ ماقساتىندا ءسوز بايلاسۋ.
نيكولاس مادۋرو مەن ونىڭ جۇبايى برۋكليندەگى قاماۋ ورتالىعىنان مانحەتتەندەگى سوت عيماراتىنا تىكۇشاقپەن جانە كۇشەيتىلگەن كورتەجبەن جەتكىزىلدى. سوت زالىندا ۆەنەسۋەلانىڭ بيلىكتەن تايدىرىلعان ليدەرى مەن ايەلى وزدەرىنە تاعىلعان ايىپتاردى مويىنداعان جوق. كەلەسى سوت وتىرىسى 17 ناۋرىزعا بەلگىلەندى.
