كەزدەسۋ بارىسىندا دەپۋتاتتار بۇگىنگى تاڭدا اعا بۋىن ادامدارعا مەديتسينالىق كومەك كورسەتۋ جۇيەسى قالاي قۇرىلعانىن, ەلدەگى گەرونتولوگيا مەن گەرياتريانىڭ قالاي دامىپ جاتقانىن جانە پارلامەنتتىڭ ودان ءارى جۇمىسىنىڭ نازارىندا قانداي مىندەتتەر قالۋى كەرەكتىگىن ەگجەي-تەگجەيلى تالقىلادى.
ءماجىلىس دەپۋتاتتارى پاۆەل كازانتسەۆ, سامات نۇرتازا, مارات باشيموۆ, داۋلەت تۇرلىحانوۆ جانە سەنات دەپۋتاتى گەننادي شيپوۆسكي ونداعان جىل بويى ۇلى وتان سوعىسىنىڭ ارداگەرلەرىنە, تىل ەڭبەككەرلەرىنە جانە ولارعا تەڭەستىرىلگەن ازاماتتار ساناتتارىنا مامانداندىرىلعان كومەك كورسەتەتىن گوسپيتال – بىرەگەي مەديتسينالىق مەكەمەنىڭ قىزمەتىمەن تانىستى.
داۋلەت تۇرلىحانوۆ 2025 جىل ۇلى وتان سوعىسىنداعى جەڭىستىڭ 80 جىلدىعىمەن اتاپ وتىلگەنىنە توقتالدى. سوعىس جىلدارىندا مايدانعا 1 ملن 200 مىڭنان استام قازاقستاندىق, ياعني, رەسپۋبليكانىڭ ءاربىر ءتورتىنشى تۇرعىنى مايدانعا اتتانعانىن, ولاردىڭ جارتىسىنا جۋىعى ۇيىنە ورالماعانىن ايتتى.
– ءبىزدىڭ ۇرپاق ءۇشىن جەڭىستىڭ 80 جىلدىعى – ەڭ الدىمەن, ونىڭ شىنايى باعاسىن ءتۇسىنۋ بولىپ تابىلادى. ءبىزدىڭ اكەلەرىمىز بەن اتالارىمىزدىڭ ەرلىگى ابستراكتىلى وتكەن شاق ەمەس, ۇرپاقتار ساباقتاستىعىن ساقتايتىن ادامگەرشىلىك باعدار. ءبىزدىڭ مىندەتىمىز – بۇل تاريحي شىندىقتى ساقتاۋ جانە ونى كەلەسى ۇرپاقتىڭ ساناسىنا ءسىڭىرۋ, - دەدى ول.
كەزدەسۋگە قاتىسۋشىلار ەگدە جاستاعى ادامداردىڭ دەنساۋلىعىن ساقتاۋ ءومىر ساپاسىن, بەلسەندى ۇزاق ءومىر ءسۇرۋدى جانە قوعامنىڭ الەۋمەتتىك تۇراقتىلىعىن قامتاماسىز ەتۋدىڭ نەگىزگى فاكتورلارىنىڭ ءبىرى ەكەنىن اتاپ ءوتتى. گەرياتريانىڭ مەديتسينالىق كومەكتىڭ دەربەس باعىتى رەتىندەگى رولىنە, كەشەندى گەرياتريالىق باعالاۋدى, پانارالىق ءتاسىلدى جانە كومەك كورسەتۋ دەڭگەيلەرى اراسىنداعى ساباقتاستىقتى ەنگىزۋ قاجەتتىلىگىنە ەرەكشە نازار اۋدارىلدى.
– حالىقتىڭ قارتايۋى جاعدايىندا گەرونتولوگيا مەن گەرياتريانى دامىتۋ ماسەلەلەرى ستراتەگيالىق ماڭىزعا يە. بۇگىنگى تاڭدا پروبلەمالار تۋرالى ايتىپ قانا قويماي, ەگدە جاستاعى ازاماتتارعا قولجەتىمدى, ساپالى جانە كەشەندى مەديتسينالىق كومەك كورسەتەتىن جۇيەلى زاڭنامالىق شەشىمدەردى قالىپتاستىرۋ ماڭىزدى. حالىقتىڭ قارتايۋى بولاشاق ماسەلەسى ەمەس, بۇگىنگى كۇننىڭ شىندىعى. قازاقستاننىڭ قارت ازاماتتارىنىڭ ءومىر ءسۇرۋ ساپاسى قازىر قانداي شەشىم قابىلدايتىنىمىزعا تىكەلەي بايلانىستى, - دەپ اتاپ ءوتتى «AMANAT» پارتياسى فراكتسياسى باسشىسىنىڭ ورىنباسارى پاۆەل كازانتسەۆ.
گوسپيتال ۇجىمىمەن اڭگىمە بارىسىندا دەپۋتاتتار ماجىلىستەگى «AMANAT» پارتياسى فراكتسياسىنىڭ باستاماسىمەن جانە بەلسەندى قاتىسۋىمەن مەديتسينا قىزمەتكەرلەرىن قورعاۋعا جانە ازاماتتار ءۇشىن مەديتسينالىق كومەكتىڭ قولجەتىمدىلىگىن كەڭەيتۋگە باعىتتالعان نورمالار ازىرلەنگەنىن اتاپ ءوتتى.
وتكەن سەنبىدە مەملەكەت باسشىسى قاسىم-جومارت توقاەۆ مەديتسينا قىزمەتكەرلەرى مەن جەدەل جاردەم قىزمەت قىزمەتكەرلەرىنە قاتەر توندىرگەنى جانە زورلىق-زومبىلىق كورسەتكەنى ءۇشىن جاۋاپكەرشىلىكتى كۇشەيتەتىن ءتيىستى زاڭعا قول قويدى. زاڭ دارىگەرلەردىڭ قاۋىپسىزدىگىن قامتاماسىز ەتۋدەگى نەگىزگى قادام بولدى. سونىمەن قاتار, 2024 جىلدان باستاپ ەلىمىزدە مەديتسينا قىزمەتكەرلەرىنىڭ كاسىبي جاۋاپكەرشىلىگىن مىندەتتى ساقتاندىرۋ جۇيەسى ەنگىزىلدى. ەندى مەديتسينالىق قاتەلىك بويىنشا تولەمدەر مامانداردىڭ جەكە قاراجاتىنان ەمەس, ساقتاندىرۋ تەتىكتەرى ەسەبىنەن جۇزەگە اسىرىلادى.
جيىندا دەپۋتاتتار مەديتسينا قىزمەتكەرلەرىنىڭ بارلىق سۇراقتارىنا جاۋاپ بەرىپ, وزەكتى ماسەلەلەر تۋرالى اشىق سويلەستى. جەرگىلىكتى مامانداردىڭ ۇسىنىستارۆ مەن ماسەلەلەرىن دەپۋتاتتار باقىلاۋعا الادى, ولار سالالىق مينيسترلىكتەرمەن بىرلەسىپ پىسىقتالاتىن بولادى.
ءماجىلىس دەپۋتاتتارىنىڭ وڭىرلەردەگى كەزدەسۋلەرى 5-13 قاڭتار ارالىعىندا جالعاسادى. جۇمىس ساپارلارى بارىسىندا AMANAT, اۋىل, اق جول, جسدپ, قپك جانە Respublica ساياسي پارتيالارىنىڭ پارلامەنتتىك فراكتسيالارىنىڭ دەپۋتاتتارى سايلاۋشىلاردى قابىلدانعان زاڭدار تۋرالى حاباردار ەتەدى, ولاردىڭ جەرگىلىكتى جەرلەردە قولدانىلۋ بارىسىن زەردەلەيدى جانە ازاماتتاردى تولعاندىراتىن وزەكتى ماسەلەلەر مەن پروبلەمالاردى تىڭدايدى.
