فوتو: سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
بيزنەس-پروتسەستەردى وڭتايلاندىرۋ جانە اۆتوماتتاندىرۋ وسى قىزمەتتى كورسەتۋدىڭ بۇكىل تسيكلىن تسيفرلىق فورماتقا تولىعىمەن كوشىرۋگە مۇمكىندىك بەردى.
بىلتىر سۋ پايدالانۋعا قاتىستى ەسەپتى تاپسىرۋ دا تسيفرلىق فورماتقا اۋىستىرىلعان بولاتىن. سونىمەن قاتار سرۇاج 11 مەملەكەتتىك اقپاراتتىق جۇيەمەن ينتەگراتسيالاندى.
ەسكە سالا كەتسەك, سۋ رەسۋرستارى جانە يرريگاتسيا مينيسترلىگى جەرۇستى جانە جەراستى سۋى تۋرالى بارلىق مالىمەت جيناقتالاتىن سۋ رەسۋرستارىنىڭ ۇلتتىق اقپاراتتىق جۇيەسىن ازىرلەدى. سرۇاج-نى ونەركاسىپتىك پايدالانۋعا ەنگىزۋ 2026 جىلدىڭ ەكىنشى جارتىسىنا جوسپارلانعان.
«جوبا مەملەكەت باسشىسى جۇكتەگەن مىندەتتەردى ورىنداۋ اياسىندا جۇزەگە اسىرىلىپ جاتىر. اقپاراتتىق جۇيەدە سۋ رەسۋرستارىنا قاتىستى بارلىق دەرەك ورتالىقتاندىرىلعان تۇردە جيناقتالادى. بۇل پروتسەستەردى اۆتوماتتاندىرۋعا جانە ناقتى دەرەكتەر نەگىزىندە باسقارۋشىلىق شەشىمدەر قابىلداۋعا مۇمكىندىك بەرەدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
