فوتو: اشىق دەرەككوز
مەملەكەت باسشىسى كولىك اپاتى بۇگىندە قازاقستان ءۇشىن عانا ەمەس, كوپتەگەن ەلدەر ءۇشىن وزەكتى ماسەلە بولىپ وتىرعانىن اتاپ ءوتتى. ونىڭ ايتۋىنشا, باستى سەبەپتەردىڭ ءبىرى – اۆتوكولىك سانىنىڭ كۇرت ءوسۋى.
«ەلىمىزدەگى اۆتوكولىك سانى بىلتىردىڭ وزىندە 300 مىڭعا, ال, سوڭعى بەس جىلدا 1,7 ميلليونعا كوبەيدى. ونىڭ ۇستىنە, شامامەن 3 ميلليون ترانزيتتىك اۆتوكولىك ەلىمىزدىڭ اۋماعى ارقىلى وتەدى. اۆتوكولىك كوبەيگەن سايىن, جول ۇستىندە اپات بولۋ ىقتيمالدىعى ارتا تۇسەدى», دەدى پرەزيدەنت.
وسىعان بايلانىستى ىشكى ىستەر مينيسترلىگى قۇقىق بۇزۋشىلىقتىڭ الدىن الۋ جانە ونى انىقتاۋ جۇمىستارىن كۇشەيتكەن. ينفراقۇرىلىم جەتىلدىرىلىپ, باقىلاۋ شارالارى نىعايتىلعان. ايىپپۇل مولشەرىن ارتتىرۋ تۋرالى شەشىم دە, ەڭ الدىمەن, جول قاۋىپسىزدىگىن قامتاماسىز ەتۋ ماقساتىندا قابىلدانعان.
قابىلدانعان شارالاردىڭ ناتيجەسىندە جولداعى احۋال جاقسارىپ كەلەدى. دەگەنمەن پرەزيدەنت قوعامنىڭ جول ەرەجەسىن ساقتاۋعا نەمقۇرايلى قاراۋى بارلىق باستامانىڭ تيىمدىلىگىن تومەندەتەتىنىن ەسكەرتتى. ونىڭ ايتۋىنشا, اۋىر اپاتتاردىڭ باسىم بولىگى جۇرگىزۋشىلەردىڭ قاراپايىم, بىراق ماڭىزدى تالاپتاردى ساقتاماۋىنان بولادى.
«كەيبىر دامىعان ەلدەردە كولىك اپاتتارىنىڭ الدىن الۋ ءۇشىن جاڭا تۇجىرىمداما ەنگىزىلىپ جاتىر. سوعان سايكەس ءار ادام پوليتسيا قىزمەتكەرلەرىنە ۇستالىپ قالۋدان قورىققاندىقتان ەمەس, ءوزىنىڭ جانە باسقا ادامداردىڭ قاۋىپسىزدىگىن ويلاعاندىقتان جول ەرەجەسىن ساقتاۋعا ءتيىس.
بۇعان قوسا, وسى سالاعا جاڭا تەحنولوگيالاردى, سونىڭ ىشىندە جاساندى ينتەللەكتىنى كەڭىنەن ەنگىزگەن ءجون. ءبىز كولىكتەر توقتاۋسىز جۇرەتىن كوشەلەر سالامىز», دەدى قاسىم-جومارت توقاەۆ.
مەملەكەت باسشىسى اسىرەسە اۆتوبۋستاردىڭ جول اپاتىنا ءجيى ۇشىراپ جاتقانىن ايتىپ, بۇل ماسەلەگە ەرەكشە نازار اۋدارۋ كەرەكتىگىن ايتتى.
ەسكە سالايىق, بۇگىن قازاقستان پرەزيدەنتى قاسىم-جومارت توقاەۆ «Turkistan» گازەتىنە كەڭ كولەمدى سۇحبات بەردى. وندا ول كولىك جانە لوگيستيكا سالاسىن دامىتۋ قازاقستان ءۇشىن ستراتەگيالىق ماڭىزى بار باسىمدىق ەكەنىن اتاپ ءوتتى. قاسىم-جومارت توقاەۆ نۇرسۇلتان نازارباەۆتىڭ ۆلاديمير پۋتينمەن كەزدەسۋلەرى بەيرەسمي سيپاتقا يە ەكەنىن ايتتى. سونداي-اق پرەزيدەنت سوڭعى جىلدارى تاريحتى تالقىلاۋ سانگە اينالعانىن ءسوز ەتتى.ء تۇرلى پودكاستتار, فيلمدەر, ماقالالار مەن كىتاپتار شىعىپ جاتقانىنان حاباردار ەكەنىن جەتكىزدى.
