فوتو: akorda.kz
قاسىم-جومارت توقاەۆ نۇرسۇلتان نازارباەۆتىڭ ۆلاديمير پۋتينمەن كەزدەسۋلەرى بەيرەسمي سيپاتقا يە ەكەنىن اتاپ ءوتتى. بۇل تۋرالى رەسەي پرەزيدەنتىنىڭ ءوزى توقاەۆقا تاياۋدا سانكت-پەتەربۋرگتە وتكەن باسقوسۋدا نۇرسۇلتان نازارباەۆتى ونىڭ ءوتىنىپ سۇراۋى بويىنشا قابىلدايتىنىن جەتكىزگەن.
توقاەۆ ەكس-پرەزيدەنتتىڭ ماسكەۋگە ساپارى تۋرالى: نە ايتىلعانى ماعان قىزىق ەمەس
باۋىرجان باباجان ۇلى ساۋالىندا كرەملدەگى كەزدەسۋدە قازاقستاندا 2029 جىلى بولاتىن بيلىك ءترانزيتى تۋرالى ءسوز قوزعالعانىن, نازارباەۆ ۆلاديمير ءپۋتيننىڭ تىكەلەي قولداۋىمەن سول ىستە ەڭ باستى ءرول اتقارعىسى كەلەدى ەكەن دەگەن الىپ-قاشپا اڭگىمە شىققانىنا نازار اۋداردى. وسى ورايدا «Turkistan» گازەتىنىڭ باس رەداكتورى قاسىم-جومارت توقاەۆتان بيلىك ءترانزيتى تۋرالى نە ايتاتىنىن سۇرادى.
«بۇل جونىندە ءسوز قوزعاۋعا ءالى ەرتە, الدىمىزدا تاباندى جۇمىسقا تولى بىرنەشە جىل بار», دەپ جاۋاپ بەردى قاسىم-جومارت توقاەۆ.
بۇعان دەيىن مەملەكەت باسشىسى جاڭا سالىق رەفورماسىنا قاتىستى ەل ىشىندە دۇربەلەڭ تۋعىزىپ, جۇرتتى دۇرلىكتىرۋدىڭ ەشقانداي ءجونى جوق ەكەنىن اتاپ وتكەن ەدى.
