3 قاڭتاردان 4 قاڭتارعا قاراعان ءتۇنى بوستۇمسىق اۋىلى ماڭىندا 1997, 1972 جانە 1968 جىلى تۋعان ءۇش ازاماتتى ىزدەۋگە اۋقىمدى ىزدەستىرۋ-قۇتقارۋ وپەراتسياسى ۇيىمداستىرىلدى. ولار جىلقىلاردى ىزدەۋگە شىعىپ, بەلگىلەنگەن ۋاقىتتا ورالماعان.
ىزدەۋ جۇمىستارىنا توتەنشە جاعدايلار مينيسترلىگىنىڭ, جەرگىلىكتى اتقارۋشى ورگاندار مەن پوليتسيا دەپارتامەنتىنىڭ كۇشتەرى جۇمىلدىرىلدى. جولدىڭ كۇردەلى جاعدايىنا بايلانىستى قۇتقارۋشىلار قار باسقان جولداردى قولمەن ارشىپ, ىزدەۋ توپتارىنىڭ العا جىلجۋىنا جاعداي جاساعان. سونداي-اق ۇشقىشسىز ۇشۋ اپپاراتى پايدالانىلدى.
بەس ساعاتقا سوزىلعان ىزدەۋ ناتيجەسىندە جوعالعاندار قاراكەڭگىر اۋىلىنان شامامەن 30 شاقىرىم قاشىقتىقتاعى دالا اۋماعىنان تابىلدى. مەديتسينالىق كومەك قاجەت بولعان جوق.
