فوتو: اشىق دەرەككوز
فينالدا 21 جاستاعى ساعاندىقوۆا مەن 18 جاستاعى گولوۆينا جاپونيا وكىلدەرى مانۋ كاۆامۋرا مەن حونوكا كوباياشيدى 6:3, 6:2 ەسەبىمەن جەڭدى.
بۇل ارۋجان ساعاندىقوۆانىڭ ITF تۋرنيرلەرىندەگى بەسىنشى تيتۋلى جانە جۇپتىق سىنداعى ءۇشىنشى جەڭىسى بولدى. ال ماريا گولوۆينا ءۇشىن بۇل سەگىزىنشى ITF اتاعى جانە جۇپتىق سىنداعى التىنشى جۇلدە سانالادى. احمەدابادتاعى تۋرنير بارىسىندا دۋەت ءتورت ماتچ وتكىزىپ, بىردە-ءبىر سەتتە جەڭىلگەن جوق.
ايتا كەتەيىك, اتالعان ءتۋرنيردىڭ جالپى جۇلدە قورى 15 مىڭ اقش دوللارىن نەمەسە شامامەن 7,6 ملن تەڭگەنى قۇرايدى.
