فوتو: اشىق دەرەككوز
كومپانيانىڭ مالىمەتىنشە, 4 قاڭتار كۇنى رەيستەردە روتاتسيالىق كەشىگۋلەر جالعاسىپ جاتىر. بۇعان دەيىن Air Astana 3 قاڭتاردان 4 قاڭتارعا قاراعان ءتۇنى الماتىدان ورىندالاتىن Airbus A320neo ۇشاقتارىمەن جۇزەگە اساتىن رەيستەردىڭ كەشىككەنىن حابارلاعان. ونىڭ سەبەبى اۋا رايىنىڭ ناشارلاۋىمەن بايلانىستى. تۇمان جانە كورىنۋ قاشىقتىعىنىڭ 150 مەتردەن تومەندەۋى سالدارىنان ۇشۋعا شەكتەۋلەر قويىلدى.
اۋە كومپانياسى ۇشۋ كەستەسىن قالپىنا كەلتىرۋ ءۇشىن بارلىق قاجەتتى شارالاردى قابىلداپ جاتقانىن, ونىڭ ىشىندە FlyArystan اۋە كومپانياسىنىڭ رەزەرۆتىك ۇشاعى دا پايدالانىلىپ جاتقانىن اتاپ ءوتتى.
