فوتو: جي
اۋىل شارۋاشىلىعى مينيسترلىگى مەن «Mars Petcare Kazakhstan» جشس اراسىنداعى كەلىسىم بويىنشا, جاڭا زاۋىت قوناەۆ قالاسىندا سالىنباق. جوبانىڭ باستى ماقساتى – يمپورتقا تاۋەلدىلىكتى ازايتىپ, ەلىمىزدە قوسىلعان قۇنى جوعارى ءونىم ءوندىرىسىن جولعا قويۋ.
جوبانىڭ نەگىزگى كورسەتكىشتەرى:
- 88,8 ملرد تەڭگەدەن استام ينۆەستيتسيا;
- جىلىنا 100 مىڭ توننا دايىن ءونىم;
- 200 جاڭا جۇمىس ورنى اشىلادى (ونىڭ كەمىندە 85%-ى جەرگىلىكتى ماماندار بولادى);
- قۇرىلىس جۇمىستارى مەن نىساندى پايدالانۋعا بەرۋ 2030 جىلدىڭ سوڭىنا دەيىن اياقتالىپ, زاۋىت 2031 جىلدىڭ 1 قاڭتارىنان باستاپ تولىق جۇمىس ىستەيدى.
بۇل كاسىپورىن تەك ايماقتىڭ عانا ەمەس, بۇكىل ەلىمىزدىڭ وڭدەۋ ونەركاسىبىنە سەرپىن بەرمەك. ينۆەستور مامانداردى وقىتۋ مەن بىلىكتىلىگىن ارتتىرۋدى دا ءوز موينىنا الىپ وتىر.
«جوبانى جۇزەگە اسىرۋ يمپورتتى الماستىرۋعا جانە وڭىردە تۇراقتى وندىرىستىك بازانى قالىپتاستىرۋعا مۇمكىندىك بەرەدى», دەپ حابارلادى ۇكىمەتتىڭ ءباسپاسوز قىزمەتى.
