ەلىمىزدە جاڭا تۇرعىن ءۇيدىڭ باعاسى ارزاندادى

استانا. 12 مامىر. ساۋىردە رەسپۋبليكا بويىنشا جاڭا باسپانانىڭ 1 شارشى مەترىنىڭ ورتاشا باعاسى 225 084 تەڭگەنى قۇرادى. بۇل تۋرالى قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ, total.kz حابارلادى. «2015 جىلدىڭ ساۋىرىندە وتكەن ايمەن سالىستىرعاندا تۇرعىن ءۇيدى جالعا الۋ قۇنى 0,5 پايىزعا كوتەرىلگەن. ال تۇرعىن ءۇيدى قايتا ساتۋ – 0,5 پايىزعا, تولىق جادبىقتالماعان باسپانانى ساتۋ – 0,4 پايىزعا, جاڭا ۇيلەردى ساتۋ – 0,2 پايىزعا ارزانداعان», – دەلىنگەن كوميتەت تاراتقان اقپاراتتا. مينيسترلىك ۇسىنعان مالىمدەمەدە ءساۋىر ايىندا رەسپۋبليكا بويىنشا جاڭا تۇرعىن ءۇيدىڭ 1 شارشى مەترىنىڭ قۇنى ورتاشا ەسەپپەن – 225 084 تەڭگە, تۇرعىن ءۇيدى قايتا ساتۋ – 173 345 تەڭگە, تولىق جابدىقتالماعان باسپانانى ساتۋ – 100 659 تەڭگەنى قۇراعانى تۋرالى دا ايتىلادى. تۇرعىن ءۇيدى جالعا الۋ باعاسى – 1 259 تەڭگە (شارشى مەترى ءۇشىن). دەگەنمەن, 2015 جىلدىڭ قاڭتار-ءساۋىر ايلارىنداعى دەرەكتەردى وتكەن جىلدىڭ وسى مەرزىمىمەن سالىستىرعاندا, باعانىڭ وسكەنىن بايقاۋعا بولادى. ماسەلەن, جاڭا تۇرعىن ءۇيدى ساتۋدا باعا ءوسىمى 4,4 پايىزدى قۇراسا, باسپانا مەن تولىق جابدىقتالماعان تۇرعىن ءۇيدى قايتا ساتۋ – 6,8 پايىزعا قىمباتتاعان. ال تۇرعىن ءۇيدى جالعا الۋ قۇنى 7,5 پايىزعا دەيىن وسكەن. ەلامان قوڭىر. دەرەك: total.kz. سۋرەت: kapital.kz.