فوتو: gov.kz
ونىڭ ايتۋىنشا, 2026 جىلدىڭ سوڭىنا قاراي وتاندىق اۋە كومپانيالارىنىڭ ۇشاق پاركى شامامەن 118 اۋە كەمەسىنە دەيىن ارتادى. سونىمەن قاتار مەملەكەت 23 الەۋمەتتىك ماڭىزى بار اۋە باعىتىن سۋبسيديالاۋ باعدارلاماسىن جالعاستىرىپ, اۋە بيلەتتەرىنىڭ قولجەتىمدىلىگىن ارتتىرۋدى جانە ءتۋريزمدى دامىتۋدى كوزدەپ وتىر.
اۋەجاي ينفراقۇرىلىمى جاڭارتىلادى
اۆياتسيا سالاسىن دامىتۋ شەڭبەرىندە بىرقاتار ءىرى ينفراقۇرىلىمدىق جوبالار ىسكە اسىرىلادى – 2026 جىلى استانا مەن شىمكەنت اۋەجايلارىندا ەكىنشى ۇشۋ-قونۋ جولاقتارىنىڭ قۇرىلىسى باستالادى, الماتى اۋەجايىندا ىشكى رەيستەر تەرمينالى قايتا جاڭعىرتىلادى, اقتاۋ اۋەجايىندا پەررونعا كۇردەلى جوندەۋ جۇرگىزىلەدى.
حالىقارالىق رەيستەر سانى كوبەيەدى
قازاقستان حالىقارالىق اۋە قاتىناسىن دا كەڭەيتۋدى جوسپارلاپ وتىر. الداعى كەزەڭدە ورتالىق ازيا جانە تمد ەلدەرىنە رەيستەر سانى ارتتىرىلىپ, بىرقاتار باعىتتار قايتا اشىلادى.
سونداي-اق ەۋروپا, ازيا جانە تاياۋ شىعىس ەلدەرىنە ۇشۋلار قاراستىرىلعان. ولاردىڭ قاتارىندا: ۆەنا, توكيو, ريم, ابۋ-دابي, ەر-رياد, داممام, لارناكا, اممان, سيان, شانحاي, ءۇرىمشى, قاشعار, ۆارشاۆا قالالارى بار.
اۋە رەيستەرى مەن پويىزداردىڭ سانى ارتادى: بيلەت قۇنى قىمباتتاي ما؟
