سەنات بيۋروسىنىڭ وتىرىسى

كەشە پارلامەنت سەناتىنىڭ توراعاسى قاسىم-جومارت توقاەۆ پالاتا بيۋروسىنىڭ وتىرىسىن وتكىزدى, وندا ماجىلىستەن تۇسكەن زاڭ جوبالارى قارالدى, دەپ حابارلادى سەناتىنىڭ ءباسپاسوز قىزمەتى. ەكونوميكالىق ساياسات, يننو­ۆاتسيالىق دامۋ جانە كاسىپكەرلىك كوميتەتى «2010 جىلعى 9 جەلتوق­سانداعى قازاقستان رەسپۋب­ليكاسىنىڭ ۇكىمەتى مەن رەسەي فەدەراتسياسىنىڭ ۇكى­مەتى اراسىنداعى قازاقستان رەس­پۋب­ليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتى­ماق­تاستىق تۋرالى كەلىسىمگە وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى»; «حالىقارالىق اۋە تاسىمالدارىنىڭ كەيبىر قاعيدالارىن بىرىزدەندىرۋگە ارنالعان كونۆەنتسيانى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تابيعي مونوپوليالار جانە رەتتەلەتىن نارىقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن ودان ءارى پىسىقتاۋ جانە قورىتىندى ازىرلەۋ ءۇشىن جاۋاپتى بولىپ بەلگىلەندى. بيۋرودا, سونداي-اق, قازاق­ستان رەسپۋبليكاسى جوعارعى سوتى­نىڭ سۋديالارىن بوساتۋ جانە سايلاۋ, تاۋەلسىز مەملە­كەتتەر دوستاستىعىنىڭ ەكونو­ميكالىق سوتىنىڭ سۋدياسىن بوساتۋ تۋرالى ماسەلە دە قارالدى. كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنە قازاقستان رەس­پۋب­ليكاسىنىڭ پرەزيدەنتى ۇسىنعان كانديداتۋرالاردى تال­قىلاپ, ولار بويىنشا قورى­تىن­دىلار ازىرلەۋ تاپسىرىلدى. بيۋرو وتىرىسى بارىسىندا پالاتانىڭ الداعى 26 اقپاندا وتەتىن وتىرىسىنىڭ كۇن تارتىبىنە ۇسىنىس ەنگىزىلدى.