فوتو: اشىق دەرەككوز
بۇل وزگەرىستەر «اكىمشىلىك قۇقىقبۇزۋشىلىق تۋرالى كودەكسكە تولىقتىرۋلار ەنگىزۋ تۋرالى» زاڭدا قاراستىرىلعان. قۇجاتقا 30 جەلتوقساندا پرەزيدەنت قاسىم-جومارت توقاەۆ قول قويدى.
ەندى بۋكمەكەرلىك كەڭسەلەر مەن توتاليزاتورلار ۇتىس تولەۋ وپەراتسيالارىن بىرىڭعاي ەسەپكە الۋ جۇيەسىندە تولىق كورسەتۋگە مىندەتتى. اپپاراتتىق-باعدارلامالىق جۇيەلەر دە وسى جۇيەمەن بىرىكتىرىلۋى ءتيىس. بۇل تالاپ ورىندالماسا, ورتا بيزنەسكە 300 اەك, ال ءىرى كومپانيالارعا 1 000 اەك-كە دەيىن ايىپپۇل سالىنادى. كەي جاعدايدا ليتسەنزيا ۋاقىتشا توقتاتىلۋى مۇمكىن.
ۇيالى بايلانىس وپەراتورلارىنا دا جاۋاپكەرشىلىك كۇشەيتىلدى. ەگەر ولار حالىقتىڭ تەلەفوندارىنا قۇمار ويىنداردى جارنامالايتىن SMS-حابارلامالار تاراتسا, ايىپپۇل تولەيدى. ايىپپۇل كولەمى وپەراتوردىڭ بيزنەس ساناتىنا بايلانىستى بەلگىلەنەدى.
اتاپ ايتقاندا, شاعىن وپەراتورلارعا – 50 اەك, ورتا بيزنەسكە – 100 اەك, ال ءىرى وپەراتورلارعا 500 اەك ايىپپۇل قاراستىرىلعان.
