كورمە «ەسىرتكىسىز الەم» تاقىرىبىنا ارنالدى, وندا الەمنىڭ تۇكپىر-تۇكپىرىنەن ەسىرتكىگە تاۋەلدىلىكپەن كۇرەسۋدىڭ الەۋمەتتىك, گۋمانيستىك جانە پروفيلاكتيكالىق اسپەكتىلەرىن بەينەلەيتىن فوتوگرافيالىق جۇمىستار مەن كورنەكى ماتەريالدار ۇسىنىلدى.
ەكسپوزيتسيا تاۋەلدىلىك پروبلەماسىنا سانالى كوزقاراستى قالىپتاستىرۋعا جانە جاستار اراسىندا سالاۋاتتى ءومىر سالتى قۇندىلىقتارىن ناسيحاتتاۋعا باعىتتالعان.
ناشاقورلىقتىڭ الدىن الۋ جونىندەگى كەڭەس مۇشەسى اسەت گەلمانوۆ اتاپ وتكەندەي, جاستارمەن جۇمىستىڭ مۇنداي فورماتتارى تاۋەلدىلىكتىڭ الدىن الۋدا ماڭىزدى ءرول اتقارادى.
«الدىن الۋ – ەڭ الدىمەن ديالوگ جانە سانالى تاڭداۋ. جاستار تالقىلاۋعا قاتىسىپ, ناقتى سالدارلاردى كورىپ, جاۋاپكەرشىلىكتى تۇسىنگەن كەزدە دەسترۋكتيۆتى ادەتتەرگە تۇراقتى يممۋنيتەت قالىپتاسادى», دەپ اتاپ ءوتتى ول.
ءىس-شارا اياسىندا «اشىق ميكروفون» ينتەراكتيۆتى الاڭ دا ۇيىمداستىرىلدى. وندا قاتىسۋشىلار ءوز پىكىرلەرىن ءبىلدىرىپ, دەنى ساۋ جانە سانالى ۇلت يدەولوگياسىن قالاي قالىپتاستىرۋ كەرەك ەكەندىگى تۋرالى نەگىزگى سۇراققا جاۋاپ بەرە الدى. بەلسەندى بولعاندارعا ەستەلىك سىيلىقتار تابىستالدى.
