فوتو: اۋىل شارۋاشىلىعى مينيسترلىگى
اتالعان نورما 2026 جىلعى 30 ماۋسىمعا دەيىن قولدانىستا بولادى. كۆوتا مال باسىن پايدالانۋ ارقىلى ەت وندىرەتىن ەت وڭدەۋ كاسىپورنىنىڭ ءىرى قارا مال ەتىنە بولىنەدى. ءىرى قارا مال ەتىن اكەتۋگە ارنالعان كۆوتانىڭ جالپى كولەمى 20 000 توننانى قۇرايدى.
ءبىر تۇلعاعا بەلگىلەنەتىن كۆوتا مولشەرى بورداقىلاۋ الاڭىنىڭ قۋاتتىلىعىنا بايلانىستى. ناقتى ايتقاندا, 5 000 باس ءىرى قارا ەتىن بورداقىلايتىن كاسىپورىنعا نەمەسە جەكە تۇلعاعا – 1 000 توننا, ال 10 000 باسقا – 2 000 توننا, 15 000 باس بويىنشا – 3 000 توننا, 20 000 باسقا – 4 000 توننا, 50 000 باس بويىنشا – 10 000 (ون مىڭ) توننا كولەمىندە كۆوتا بەرىلەدى.
