استانا. 12 مامىر. قىزىلوردا وبلىسى قازالى اۋدانىنىڭ اكىمى باحىت جاحانوۆ سوعىس ارداگەرى, «ەرەن ەڭبەگى ءۇشىن» مەدالىنىڭ يەگەرى ءپىرنازار مىرزاتاەۆپەن بىرگە جەڭىس كۇنىمەن قۇتتىقتاۋ ءۇشىن ايتەكە بي كەنتىنىڭ تۇرعىنى, ۇلى وتان سوعىسىنىڭ ارداگەرى تىلەۋبەرگەن توبابەرگەن اقساقالدىڭ وتباسىندا بولدى. بۇل تۋرالى egemen.kz حابارلادى.
«ءبىز سىزدەردىڭ حالىق جادىنان ەشقاشان وشپەيتىن, ادامزات ءۇشىن جاساعان باعا جەتپەس ەرلىكتەرىڭىزدى ماقتان تۇتامىز. سىزدەردەي ەلدى اۋىزبىرشىلىككە شاقىرىپ وتىرعان ارداگەرلەرىمىزگە شەكسىز العىسىمىزدى بىلدىرەمىز», – دەگەن اۋدان باسشىسى, ارداگەرلەردى جەڭىستىڭ 70 جىلدىعىمەن قۇتتىقتاپ, قۇرمەت كورسەتتى.
سونىمەن قاتار, «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ مەرەكەلىك قۇتتىقتاۋ حاتىن جەتكىزدى.
ءوز كەزەگىندە, ارداگەرلەر مايدانداستارىنىڭ سوعىستا جاساعان ەرلىكتەرىن ەسكە الىپ, جاس ۇرپاققا باتا بەردى.
ەلامان قوڭىر.
دەرەك, سۋرەت: egemen.kz.
