شىمكەنتتە بەلگىلى كاسىپكەر ادام ۇرلاعانى ءۇشىن ۇستالدى

استانا. 12 مامىر. شىمكەنت قالاسىنىڭ ءال-فارابي اۋداندىق سوتى كيىم-كەشەك ساتاتىن ءىرى ساۋدا جۇيەسىنىڭ قوجايىنىن قاماۋعا الۋ تۋرالى ۇكىم شىعاردى. قۇقىق قورعاۋ ورگاندارى كاسىپكەردى ادام ۇرلاۋعا قاتىسى بار دەپ ايىپتاپ وتىر. بۇل تۋرالى total.kz حابارلادى. تەرگەۋ ماقساتىنا وراي اتى-ءجونى قۇپيا ۇستالىپ وتىرعان كاسىپكەر قازىرگى تاڭدا ءۇي قاماقتا وتىر. الايدا, پوليتسيا قىزمەتكەرلەرى سوتقا كۇدىكتىنى قاماۋعا الۋ تۋرالى ءوتىنىش بىلدىرگەن بولاتىن. ال ادام ۇرلاۋعا قاتىسى بار كاسىپكەردىڭ كومەكشىسىنە ىزدەۋ جاريالاندى. ادام ۇرلاۋدان بولەك, ءىرى ساۋدا يەسىنە زاڭسىز بوستاندىعىنان ايىرۋ, توناۋ مەن وزبىرلىق جاسادى دەگەن ايىپتار تاعىلعان. قۇقىق قورعاۋ ورگاندارى تاراتقان مالىمەتتەرگە سۇيەنسەك, جابىرلەنۋشى كاسىپكەردىڭ دۇكەندەرىنىڭ بىرىندە تاياۋ ۋاقىتقا دەيىن اكىمشى بولىپ جۇمىس ىستەگەن. «دۇكەن قوجايىنى مەن ونىڭ كومەكشىسى قۇرباندارىن 29 ساۋىردەن 4 مامىرعا دەيىن كاسىپكەردىڭ ساياجايىندا كۇشتەپ ۇستاعان. ەكەۋى جابىرلەنۋشىنى كۇن سايىن سوققىنىڭ استىنا العان», – دەيدى قۇقىق قورعاۋشىلار. جابىرلەنۋشىنىڭ سوزىنە قاراعاندا, بۇرىنعى باستىعى ونى كۇشپەن قورقىتقان. كورسەتكەن وزبىرلىقتارىن ولار ءتىپتى, بەينەكامەراعا دا ءتۇسىرىپ العان. تۇتقىننان قاشىپ قۇتىلعان جابىرلەنۋشى پوليتسياعا ارىزدانعان. قازىرگى تاڭدا بۇل وقيعا بويىنشا كاسىپكەردىڭ كومەكشىسىنە ىزدەۋ جاريالاندى. زارداپ شەگۋشىنىڭ ايتۋىنشا, ونىڭ دا ادام ۇرلاۋعا قاتىسى بار. ەلامان قوڭىر. دەرەك: total.kz. سۋرەت: mail.ru.