ىزگى ىسكە ۇمتىلعان ۇلاندار

ءار تاسىنا ۇلتتىق رۋحتىڭ ءيسى سىڭگەن ۇلىتاۋدا العاداي جاستاردىڭ «وتانشىل-2015» ءبىلىم بەرۋ لاگەرى وسىمەن بەسىنشى رەت قازىق قاعىپ, جالاۋ كوتەردى. سوڭعى جىلدارى اۋقىمدى جوباعا اينالعان بۇل شاراعا وبلىستىڭ قاراعاندى, جەزقازعان, ساتباەۆ, تەمىرتاۋ, شاحتينسك, ساران, پريوزەرسك قالالارى مەن ۇلىتاۋ, اباي, شەت, وساكاروۆ, بۇقار جىراۋ, جاڭاارقا اۋداندارىنان دەلەگات جاستار كەلىپ باس قوستى. جالپى, «وتانشىل» جوبا­سىنىڭ اياسىندا جاستار قوعامدىق قىزمەتتىڭ تاجىريبەسىن زەرتتەپ, بۇقارالىق شارالاردى ۇيىم­داستىرۋ مەن وتكىزۋدى, سونىمەن قاتار, ءار سالاداعى وزىندىك جوبالارىن قورعاپ جانە ولاردى ۇسىنا ءبىلۋدى وقىپ-ۇيرەنەدى. بۇدان بولەك, ەلدىڭ ەرتەڭى ساناتىنداعى ۇرپاقتىڭ وكىلدەرى لاگەر نەگى­زىندەگى الاڭقايدا وزدەرىنىڭ دارىنى مەن قابىلەتتەرىن كورسەتىپ قانا قويماي, پىكىرلەس جاڭا دوستارمەن تانىسىپ, سونى باستامالارىنا قاجەتتى قولداۋ تابۋعا مول مۇمكىندىك الادى. «وتانشىل-2015» جاستار لاگە­رىنىڭ سالتاناتتى اشىلۋىن­دا ساتباەۆ قالاسىنىڭ اكىمى ءانۋار ومار, ل.ن.گۋميلەۆ اتىن­دا­عى ەۇۋ جانىنداعى «جاستار» عىلى­مي-زەرتتەۋ ورتالىعىنىڭ ديرەكتورى جانار بۋكانوۆا جانە قاراعاندى وبلىستىق جاستار باستاماشىلدىعى ورتالىعىنىڭ ديرەكتورى اقجول قۇرمانسەيىتوۆ ءسوز سويلەپ, قوعام­دىق ءومىردىڭ جۋان ورتاسىندا جۇرگەن جالىندى جاستارعا ساتتىلىك تىلەدى. دەلەگاتتار اتىنان ءسوز العان تەمىرتاۋ قالاسىنداعى جاستارمەن جۇمىس جونىندەگى ورتالىقتىڭ ديرەكتورى ايناگۇل ءابدىراحمانوۆا جاستارعا كورسەتىلگەن قولداۋ – ەلدىڭ بولاشاق دامۋىنا سالىنعان ينۆەستيتسيا ەكەنىن اتاپ ءوتتى. «وتان­شىل-2015» لاگەرىنىڭ اشىلۋى­نا كەلگەن قوناقتار «ساتباەۆ-2020: جاستارعا جاقىن قالا» دەپ اتالعان عىلىمي-پراكتيكالىق كونفە­رەن­تسياعا قاتىستى. جيىن قورىتىن­دىسى بويىنشا ساتباەۆ قالا­لىق اكىمدىگى, ل.ن.گۋميلەۆ اتىنداعى ەۇۋ جانىنداعى «جاستار» عى­لى­مي-زەرتتەۋ ورتالىعى, قازاق­­ستان جاستار كونگرەسى جانە قارا­عاندى وبلىستىق جاستار باستاما­شىل­دىعى ورتالىعى اراسىندا ءتورت­­جاقتى مەموراندۋمعا قول قويىلدى. «وتانشىل-2015» لاگەرىنىڭ ەكىنشى جۇمىس كۇنىندە «وڭىردەگى مەملەكەتتىك جاستار ساياساتىنىڭ دامۋى» تاقىرىبىندا سىناق الاڭ­قايىنىڭ وتىرىسى ءوتتى. بۇل شاراعا ساتباەۆ اكىمدىگىنىڭ مەملەكەتتىك قىزمەتكەرلەرى قا­تىستى. ءوز كەزەگىندە «جاستار» عىلىمي-زەرتتەۋ ورتالىعىنىڭ قىزمەتكەرلەرى فورۋم دەلەگاتتارى ءۇشىن ءار تاقىرىپتى قاۋزاعان شەبەرلىك سىنىپتارىن ۇيىمداستىردى. لاگەردىڭ ءۇشىنشى كۇنى جاس دەلەگاتتار قاسيەتتى ۇلىتاۋ تاۋلارىنا ەكسكۋرسيا جاساپ, كيەلى مەكەننىڭ تامىلجىعان تابيعاتىمەن تانىستى. سونىمەن قاتار, ءبىلىم بەرۋ لاگەرى قىزمەتىنىڭ اياسىندا عىلىم, تەحنيكا, ءبىلىم, مادەنيەت جانە ونەرگە قاتىستى كورمەلەر مەن جارمەڭكەلەر, جوبالار تۇساۋ­كەسەرلەرى ۇيىمداستىرىلدى. بۇل باسقوسۋعا قاتىسقان جاس­تاردىڭ ءبارى دە ءبىراۋىزدان مۇنداي جۇزدەسۋلەردىڭ ءتاجىري­بە الماسۋعا, وزەكتى ماسەلە­لەر توڭىرەگىندەگى الۋان ءتۇرلى پىكىر­لەردى تىڭداۋعا, كوكەيكەستى تاقى­رىپتاردى تالقىلاپ, وي-پىكىر جارىستىرۋعا تاماشا ءمۇم­كىندىكتەر بەرەتىنىن ەرەكشە اتادى. ۇلىتاۋدا ۇيىمداستىرىلعان «وتانشىل-2015» جاستار لاگە­رىنىڭ بالاۋسا بۋىندى كەلەشەكتەگى ءونىمدى جۇمىستارعا ىنتالاندىرىپ قانا قويماي, وبلىستاعى جاس­تار ۇيىمدارىنىڭ اراسىنداعى بايلانىستىڭ نىعايۋىنا دا يگى ىقپالىن تيگىزەرى انىق. قايرات ءابىلدينوۆ, «ەگەمەن قازاقستان». قاراعاندى وبلىسى.