فوتو: iStock
مەملەكەت باسشىسى قاراشا ايىندا وتكەن اۋىل شارۋاشىلىعى ەڭبەككەرلەرىنىڭ ءىى فورۋمىندا مال شارۋاشىلىعىن دامىتۋ, اۋىلشارۋاشىلىق جەرلەرىن وڭتايلى پايدالانۋ, سۋدىڭ تيىمدىلىگىن ارتتىرۋ, يرريگاتسيالىق جۇيەلەردى جاڭعىرتۋ, اگروونەركاسىپتى قارجىلاندىرۋ تاسىلدەرىن جەتىلدىرۋ, سالانى تسيفرلاندىرۋ, ءونىمدى تەرەڭ وڭدەۋ سەكىلدى بىرقاتار نەگىزگى مىندەتتەردى ايقىندادى.
جىل باسىنان بەرى اگرارلىق سالاداعى نەگىزگى كاپيتالعا قۇيىلعان ينۆەستيتسيا 20%-عا ۇلعايىپ, 790 ميلليارد تەڭگەگە جەتتى. سوڭعى ءۇش جىلدا ەڭبەك ونىمدىلىگى 37,3 %-عا ارتتى.
بيىل ەلىمىزدە العاش رەت اۋىل شارۋاشىلىعىنا جەڭىلدىكپەن بەرىلگەن نەسيە كولەمى 1 تريلليون تەڭگەدەن استى.
بۇگىندە اۋىلشارۋاشىلىق تەحنيكالارىنا ىشكى سۇرانىستىڭ 90 پايىزىن وتاندىق ءوندىرىس قامتاماسىز ەتەدى. ەلىمىزدەگى 10 زاۋىتتا الەمگە بەلگىلى برەندتەردىڭ 19 ءتۇرلى تەحنيكاسى قۇراستىرىلادى.
اگروونەركاسىپ ونىمدەرى 70 ەلگە ەكسپورتتالادى. ونىڭ جالپى قۇنى 5 ميلليارد دوللاردان اسادى.
بيىل ەلىمىزدە 27 ميلليون توننا استىق جينالدى. ەل قامباسىن تولتىرۋعا بارلىق ءوڭىر اتسالىستى.
