ۇرپاققا ۇلاعات بولار شەشىم الايىق

ايتايىن دەگەنىم... وسى تاقىرىپ اياسىندا اي­تا­­رىم­­دى قاعازعا تۇسىرمەك بول­عان ساتتە  بۇدان 7-8 جىل بۇ­رىن­عى ءبىر كە­لەڭ­سىز جاعداي كوز الدىمدا كول­بەڭ­دەي تۇرا قال­دى. ەلىمىز تاۋەل­سىز­دىگىن الىپ, ەڭسەسىن تىكتەي باستاعان تۇستا ەل مەن جەر, قالا مەن اۋىل, كوشە اتاۋلارى وزگەرىپ, ۇلتتىق رۋ­حىمىز اسقاقتاي باستاعانى بەلگىلى. اسىرەسە, كەڭەس ودا­عى كەزىندە رەتسىز, ءجون-جو­سىقسىز بەرىلگەن كوشە اتاۋ­لا­رىن وزگەرتۋ ءۇردىس الدى. جانە دە بۇل زاڭدى ءۇردىس ەدى. ايتايىن دەگەنىم, سول كەزدە ارال­دىق ءبىر اقساقال ۇلى وتان سوعىسىنان ورالماعان باۋى­رىنا قالانىڭ قاق ورتاسىنان كوشە اتاۋ­ىن بەرگىزۋگە  بارىن­شا ۇمتىلىس جاسادى. اۋدان­دىق ونوماستيكالىق كوميسسيا مۇشەلەرى وتان سوعى­سى­نان ورال­ماعان, ياعني ءىز-ءتۇزسىز كەت­كەن ازاماتقا كوشە اتاۋىن بەرۋ­گە ەشقانداي نەگىز جوق ەكەندىگىن العا تارتىپ, جىلدار جىلجىپ ءوتىپ جاتتى. دەسە دە اتىشۋلى اقساقال اۋدان باسشىلىعىن عانا ەمەس, وبلىس, قالا بەردى رەسپۋب­لي­كا­نى ءدۇر سىلكىندىرىپ, كوشە اتاۋىن باۋىرىنا الىپ تا بەردى. قوش دەلىك. وسى ءبىر كە­لەڭ­سىز جاعدايدى, ياعني ونوماس­تي­كالىق كوميسسيانىڭ نەگىزسىز شە­شى­مىن جەلەۋ ەتكەن ەكىنشى ءبىر ازامات ەل ىشىندەگى ەلەۋسىز ءبىر باۋىرىنا دا كوشە اتاۋىن الدى. سول كەزدە زيا­لى قاۋىم: ء“بىز وسى قايدا بارا­مىز؟” دەپ جاعالارىن ۇستاعان. راس, اتام قازاق: ء“ولى ريزا بول­ماي, ءتىرى بايىمايدى” دە­گەن. ارۋاق­تاردىڭ اتىن اتاپ, ءتۇسىن تۇستەۋدەن بويىمدى اۋلاق ۇستايمىن. ەسىمدەرى ەلگە تا­نىمالدارعا كوشە اتاۋلارىن بە­رۋگە قوس قولىمدى كوتەرە­مىن. وكىنىشتىسى سول, ەسىمدەرى ەلى­مىزگە تانىمال تۇلعالار ەلەۋ­سىز قالىپ تا بارادى. بالكىم, ولاردىڭ ارتىندا ىزدەۋ­شىلەرى, ۇلىستى ۇرپاقتارى قال­ما­عاندىقتان دا بولار. ال, كەرىسىن­شە, بيلىك باسىنداعىلار مەن قالتا­لىلار وزدەرىنىڭ اتا-تەكتەرىن اسقاق­تاتۋدى داستۇرگە اينالدىرىپ-اق بارا جاتقان سىڭايلى. اعىمداعى جىلى تاعى ءبىر ازاماتتارعا قىزىل­وردا قالاسى مەن اۋدان ورتا­لى­ق­تارىنان بەرىلگەن كوشە اتاۋلارى ەكىجاقتى پىكىر قا­لىپ­تاستىردى. اششى دا بولسا اشىق ايتقاندار دا بار. سوندا دەي­مىز-اۋ, ونوماستي­كالىق كوميسسيا مۇشەلەرى ايعا قاراپ وتىر ما؟.. ءسوز ورايى كەلگەندە تاعى دا اتام قازاقتىڭ: “سۋدىڭ دا سۇ­راۋى بار”, دەگەن اتالى ءسو­زىنە جۇگىنەلىك. راس, باسقانى قاي­دام, قىزىلوردا قالاسى مەن ارال قالاسىندا ورىس ءتى­لىندە ءمانسىز دە ماعىناسىز كوشە اتاۋلارى بارشىلىق. قا­راڭىز – ۆودوكانال, ستەپنايا, پورت, سۋدو­ۆەرف, پاپانين, پرولە­تار, كۋتۋ­زوۆ, پۋتەۆايا, موس­تو­ۆايا, ت.ب. كوشە اتاۋلارىن ەسىم­دەرى ەلگە تانىمال تۇل­عا­لارعا بەرۋگە ابدەن بولادى ەمەس پە؟ بەرىلىپ تە جاتىر. بىراق... ونوماستيكالىق كوميسسيا ءمۇ­شە­لەرى ەلدى مەكەن, كوشە اتاۋلارىن بەرۋگە بايلانىستى سۇرانىستارعا بارىنشا بايىپ­پەن قاراعانى ابزال. زەرتتەۋ كە­رەك, زەردەلەۋ كەرەك, سودان سوڭ بارىپ ۇرپاقتارعا ۇلاعات بولار شەشىم قابىلدانۋى كەرەك. ەركىن ءابىل, قىزىلوردا.