فوتو: CNN
وقيعا شامامەن تاڭعى 11:25-تە حاممونتون مۋنيتسيپالدىق اۋەجايىنىڭ ماڭىندا بولعان. اۋەدە Enstrom F-28A جانە Enstrom 280C ۇلگىسىندەگى تىكۇشاقتار سوقتىعىسقان. ەكى تىكۇشاقتىڭ بورتىندا تەك ۇشقىشتار بولعان.
زارداپ شەككەندەر اۋىر جاراقاتتارمەن تراۆماتولوگيالىق ورتالىققا جەتكىزىلدى.
اۋەجايداعى مەيرامحانانىڭ يەسى سال سيليپينونىڭ ايتۋىنشا, ەكى ۇشقىش تا ونىڭ تۇراقتى تۇتىنۋشىلارى بولعان جانە ۇشار الدىندا بىرنەشە مينۋت بۇرىن عانا تاڭعى اس ىشكەن.
اقش-تىڭ ۇلتتىق كولىك قاۋىپسىزدىگى كەڭەسى اپاتقا بايلانىستى تەرگەۋدى باستادى. كەڭەس وكىلدەرى ۇشۋ تراەكتورياسى مەن اۋە كەمەلەرىنىڭ تەحنيكالىق جاعدايى تۋرالى دەرەكتەر جيناۋ ءۇشىن تەرگەۋشىنى وقيعا ورنىنا جىبەرگەن.
«سىنىقتار قۇجاتتالعاننان كەيىن ەكى تىكۇشاق تا ءارى قاراي زەرتتەۋ جۇرگىزۋ ءۇشىن كۇزەتىلەتىن ورىنعا كوشىرىلەدى», دەپ مالىمدەدى ۇلتتىق كولىك قاۋىپسىزدىگى كەڭەسى.
حاممونتون قالاسىنىڭ ءورت ءسوندىرۋ قىزمەتى كۋاگەرلەردى جەدەل قىزمەتتەردىڭ جۇمىسى اياقتالعانعا دەيىن وقيعا ورنىنا جاقىنداماۋعا شاقىردى.
