اتتەستاتتاۋ – مەملەكەتتىك قىزمەتشىنىڭ الەۋەتىن ايقىندايدى

مەملەكەتتىك قىزمەت سالاسىنداعى جۇزەگە اسىرىلاتىن وزگەرىستەر جايى ورتالىق كوممۋنيكاتسيالار قىزمەتىندە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنت ديرەكتورى ءالي كومەكباەۆ پەن سىرتقى ىستەر مينيسترلىگىنىڭ جاۋاپتى حاتشىسى اناربەك قاراشەۆتىڭ قاتىسۋىمەن وتكەن بريفينگتە كەڭىنەن ايتىلدى.  دەپارتامەنت ديرەكتورى 2012 جىلى جاۋاپتى حاتشى مەن مەملەكەتتىك ورگان باسشىسىنىڭ اراسىنداعى وكىلەتتىكتەر ناقتى اجىراتىلعاندىعىن تىلگە تيەك ەتە كەلىپ, بۇل رەتتە جاۋاپ­تى حاتشىنىڭ مىندەتىنە اپپا­راتتىڭ كاسىبي جۇمىسى جانە ونى ۇيىمداستىرۋ كىرىپ وتىر­عاندىعىن اتادى. بۇگىن­گى تاڭدا جاۋاپتى حاتشى مەملەكەت­تىك ورگاننىڭ جۇمىسىن ۇيىم­داس­تىرۋشى فۋنكتسيالار – بۋحگالتەريا, كادر ساياساتى, زاڭگەرلىك قىزمەت جانە وزگە دە مىندەتتەردى اتقارادى. ەندىگى قادام اكىمشىلىك قىزمەتتىڭ اۆتونومدىعىن قامتاماسىز ەتۋ ءۇشىن, ەڭ الدىمەن, جاۋاپتى حاتشىنىڭ مارتەبەسىن ارتتىرۋ. مينيسترلەر ساياسي تۇلعا رەتىندە ۆەدومستۆونىڭ سول جانە وزگە دە سالالارىنداعى ستراتە­گيالىق ماقساتتارىن ايقىن­داۋمەن اينالىسادى جانە جوعا­رى زاڭ شىعارۋشى ورگانمەن زاڭشىعارماشىلىق سالاسىندا ءوزارا ىقپالداساتىن بولادى. ال جاۋاپتى حاتشىنىڭ مىندەتىنە اكىمشىلىك باسقارۋ جانە ساياسي قىزمەتكەر قابىلداعان شەشىم­دەر­دى جۇزەگە اسىرۋ جاتادى. بۇل رەتتە ساياسي تۇلعانىڭ اۋى­سۋى جاۋاپتى حاتشىنىڭ اۋىسۋى­نا الىپ كەلمەيدى. وسىلايشا, مەملەكەتتىك فۋنك­تسيالاردىڭ ساباقتاستىعى مەن تۇراق­تىلى­عىنا قول جەتكىزىل­مەك. مۇن­داي جاعداي كاسىبي اپپا­راتتىڭ قالىپتاسۋىنا ءوزىن­دىك سەبىن تيگىزەدى. مەملە­كەتتىك اپپاراتتىڭ كاسىبيلىگىن قامتا­ماسىز ەتۋ ءۇشىن 2016 جىلى بارلىق اكىمشىلىك قىز­مەتكەر­لەردى كەشەندى اتتەستاتتاۋدان وتكىزۋ كوزدەلىپ وتىر. بۇل جەردە قىزمەتكەردىڭ زاڭداردى ءبىلۋى عانا ەمەس, سونىمەن قاتار, ولاردىڭ ءوز قىزمەتتىك مىندەت­تەرىن اتقارۋعا قاجەتتى جەكە جانە لاۋا­زىمدىق ساپالارى دا جان-جاقتى سارالانادى. ول ءۇشىن تەستىلەۋ, اڭگىمەلەسۋ جانە اتتەستا­تسيالىق تاپسىرمالار ارقىلى انىق­تاۋ قاراس­تىرىلىپ وتىر. ونىڭ ءناتي­جەسى قىزمەتشىنى دامىتۋ­دىڭ جوسپارىنا نەگىز بولىپ قالانۋى ءتيىس. دەپارتامەنت ديرەكتورى, سونداي-اق, اتتەستاتتاۋدىڭ ماق­ساتى مەملەكەتتىك قىزمەتشى­نى جۇمىستان الاستاتۋ ەمەس,  ولاردىڭ الەۋەتتەرىن انىقتاۋ بولارىنا نازار اۋدارتتى. ونىڭ ايتۋىنشا, اتتەستاتسيالىق كوميسسيا مەملەكەتتىك قىزمەت­شىنىڭ قابىلەتىنە قاراي لاۋازى­مىن جوعارىلاتۋ تۋرالى ۇسى­نىس ەنگىزۋى دە مۇمكىن. مۇنىڭ بارلىعى قازىرگى تاڭدا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى تاراپىنان ازىرلەنىپ جاتقان نورماتيۆتىك-قۇقىقتىق بازادا بەكىتىلەدى. سوندىقتان دا, «مەملەكەتتىك قىزمەت تۋرالى» جانە وعان ىلەسپە تۇزەتۋلەرىمەن جاڭا زاڭ جوباسى ازىرلەنىپ جاتقانى ايتىلدى. سىرتقى ىستەر مينيسترلىگىنىڭ جاۋاپتى حاتشىسى اناربەك قاراشەۆ ديپلوماتيالىق قىز­مەتتىڭ ءمان-جايىنا توقتالدى. ول 2002 جىلى قابىلدانعان «ديپلوماتيالىق قىزمەت تۋرالى» زاڭعا ءتيىستى وزگەرىستەر ەنگىزىلگەندىگىن اتاي كەلىپ, قازىر ديپلوماتتار وسى زاڭدىق قۇجات بويىنشا جۇمىستارىن اتقارىپ جاتقاندىعىنا نازار اۋدارتتى. وتاندىق ديپلوماتتار قازاقستاننىڭ الەمنىڭ دامىعان 30 ەلىنىڭ قاتارىنا ەنۋى باعىتىندا جۇمىس ىستەپ جاتقاندارىن جەتكىزگەن ول 2017-2018 جىلدارى قازاقستان رەسپۋبليكاسى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋعا ۇمتىلىپ وتىرعانىن ورتاعا سالدى. قازىرگى كەزدە قازاقستاننىڭ 64 مەملەكەتتە ءوز وكىلدىگى بار. مينيسترلىك قاتارى «بولاشاق» باعدارلاماسى بويىنشا الەمنىڭ ەڭ وزىق دەگەن 200 جوعارى وقۋ ورىندارىن ءبىتىرىپ كەلگەن بىلىكتى كادرلارمەن تولىعۋدا ەكەن. جالپى, جاۋاپتى حاتشىنىڭ سوزىنەن بەلگىلى بولعانداي, سىرتقى ىستەر مينيسترلىگىندە بۇگىندە 1233 ادام جۇمىس ىستەسە, سونىڭ 846-سى شەتەلدەردەگى وكىلدىكتەردە ءوز مىندەتتەرىن اتقارۋدا. جانە دە ورتالىق اپپاراتتا 387 ادام ەڭبەك ەتۋدە. قولدانىستاعى زاڭ بويىنشا ديپلوماتيالىق قىزمەتكەر سول جانە وزگە شەت مەملەكەتتە ءۇش جىل قىزمەت اتقارۋى ءتيىس بولسا, ەلشى نەمەسە ءمينيستردىڭ ۇسىنىسىمەن ونىڭ قىزمەتى تاعى ءبىر جىلعا سوزىلۋى مۇمكىن. اسقار تۇراپباي ۇلى, «ەگەمەن قازاقستان».