فوتو: اشىق دەرەككوز
ساقتاندىرىلماعاندار اراسىندا «وتباسىلىق تسيفرلىق كارتانىڭ» شۇعىل ساناتتارىنا ەنگەن (د جانە ە) ازاماتتار دا بار. ياعني, تابىسى تومەنگى كۇنكورىس شەگىنە جەتپەيتىن, 95 مىڭ مۇقتاج تۇرعىن ءۇشىن مەديتسينالىق كومەك قولجەتىمسىز بولعاندىقتان, كەلەر جىلدان باستاپ ولار اۆتوماتتى تۇردە ءمامس جۇيەسىنە قوسىلادى.
«ساراپتاما جاسالىپ, سونىڭ ىشىندە مەديتسينالىق كومەككە كوبىرەك جۇگىنگەن تۇرعىندار ىرىكتەپ الىندى. بولجام بويىنشا, 2026 جىلى د, ە ساناتىنداعى 34 مىڭعا جۋىق ادام مەن رەسمي جۇمىسسىز رەتىندە تىركەلگەن 28 مىڭ ازامات ءۇشىن جەرگىلىكتى بيۋدجەت ەسەبىنەن جارنا تولەنۋى ءتيىس», دەيدى ءىلياس مۇحامەدجان.
سونىمەن قاتار, 2026 جىلدان باستاپ 11 ءتۇرلى الەۋمەتتىك ماڭىزى بار اۋرۋعا شالدىققان ازاماتتار دارىگەرگە تەگىن قارالىپ, ساقتاندىرۋ ستاتۋسىنا قاراماستان تولىق ەمدەلە الادى. ولاردىڭ قاتارىندا تۋبەركۋلەز, ايتۆ, قاتەرلى ىسىك تۇرلەرى, سوزىلمالى ۆيرۋستىق گەپاتيت پەن باۋىر تسيرروزى, پسيحيكالىق جانە مىنەز-ق ۇلىق جۇيەسىندەگى اۋىتقۋلار, ورفاندى, ياعني, سيرەك كەزدەسەتىن اۋرۋلار, جۇيكە جۇيەسىنىڭ دەگەنەراتيۆتى اۋرۋلارى, ورتالىق جۇيكە جۇيەسى كەسەلدەرى, ەپيلەپسيا, جەدەل ينفاركت ميوكاردا (باستاپقى 6 اي), ينسۋلت ء(بىر جىل ىشىندە) بار.
ء«بىر سوزبەن ايتقاندا, الەۋمەتتىك ماڭىزى بار اۋرۋلارعا شالدىققان ناۋقاستار قاجەتتى تەكسەرۋلەردەن اقىسىز ءوتىپ, اناليزدەردى دە تەگىن تاپسىرا الادى. ول ءۇشىن ساقتاندىرۋ ستاتۋسى قاجەت ەمەس. مىسالى قازىر, تولىق دياگنوستيكادان وسى اۋرۋلاردىڭ ىشىندە تەك ايتۆ مەن تۋبەركۋلەزگە شالدىققاندار عانا وتە الادى. 2026 جىلدان باستاپ ءمامس پاكەتى 24 ءتۇرلى سوزىلمالى اۋرۋلارمەن تولىعادى. جالپى, بۇل وزگەرىستەر الەۋمەتتىك ماڭىزى بار اۋرۋلاردىڭ الدىن الۋعا, دياگنوستيكا جاساۋعا جانە ەمدەۋگە باعىتتالعان. ال, مەديتسينالىق ساقتاندىرۋ جۇيەسىندە باعاسى قىمبات قىزمەتتەر مەن جوسپارلى مەديتسينالىق كومەككە باسىمدىق بەرىلەدى», دەدى دەنساۋلىق ساقتاۋ باسقارماسى باسشىسىنىڭ ورىنباسارى ءلايلا يمانعاليەۆا.
سونداي-اق زاڭدا ساقتاندىرىلعان تۇرعىنداردى قولداۋ شارالارى دا قاراستىرىلعان. بۇدان بىلاي, ساقتاندىرۋ جارناسىن كەمىندە 5 جىل قاتارىنان ۇزبەي تولەپ كەلە جاتقان, بىراق بەلگىلى سەبەپتەرمەن تولەم جاساي الماي قالعان تۇرعىنداردىڭ ساقتاندىرۋ ستاتۋسى 6 ايعا دەيىن ساقتالادى. بۇل اسىرەسە, جۇمىستان شىعىپ قالعان نەمەسە جۇمىس ورنىن اۋىستىرعان جالدامالى جۇمىسكەرلەردە ءجيى كەزدەسەتىن جاعداي.
