الياسكا مەن گاۆاي ارالدارى اقش-تان ءبولىنىپ شىققىلارى كەلەدى

استانا. 11 مامىر. قۇراما شتاتتار قۇرامىنداعى الياسكا تۇبەگى مەن گاۆاي ارالدارىنىڭ حالىقتارى تاۋەلسىزدىك الۋعا ارەكەت ەتۋگە كوشتى. بۇل تۋرالى تاسس حابارلادى. «الياسكا مەن گاۆاي ارالدارىنىڭ بايىرعى حالىقتارىنىڭ وكىلدەرى الەم قاۋىمداستىعىنا وزدەرىنە ەركىندىك قۇقىعى بەرىلۋىن قامتاماسىز ەتۋدى سۇراعان حات جولدادى», - دەلىنگەن حابارلامادا. ونى بۇلار قۇراما شتاتتاردىڭ ءبىر كەزدەرى ءوز جەرلەرىن «زاڭسىز اننەكسيالاۋىمەن» جانە «باسىپ الۋىمەن» تۇسىندىرەدى. جەنەۆادا تاراتىلعان مالىمدەمەدە ابوريگەن حالىقتار وكىلدەرى بۇل ماسەلەنى بىرىككەن ۇلتتار ۇيىمىنا مۇشە ەلدەردىڭ بۇۇ-نىڭ ادام قۇقىعى جونىندەگى كەڭەسىندە قاراۋىن سۇراعان. الياسكا تۇرعىندارى تاۋەلسىزدىككە بەيبىت جاعدايدا - بىرىككەن ۇلتتاردىڭ تەتىكتەرى ارقىلى, الياسكا مەن گاۆاي ارالدارىندا ءوزىن ءوزى انىقتاۋ جونىندە رەفەرەندۋم وتكىزۋ جولىمەن قول جەتكىزگىلەرى كەلەدى. مۇرات ايتقوجا. دەرەك, سۋرەت: تاسس.