فوتو: homsters.kz
ۇكىمەت ۇسىنعان جىلدىڭ ەڭ ايشىقتى – 10 كورسەتكىشى:
1. بيىلعى 11 ايدا 16,9 ميلليون م² تۇرعىن ءۇي پايدالانۋعا بەرىلگەن. 2025 جىلدىڭ سوڭىنا قاراي جالپى كولەمى 19,1 ميلليون م2 تۇرعىن ءۇي تاپسىرىلادى دەپ بولجانىپ وتىر. مەجە ورىندالسا جىل سوڭىندا مىڭداعان وتباسى جاڭا باسپاناسىندا قونىس تويىن تويلايدى. ەلىمىزدىڭ بارلىق وڭىرىندە قۇرىلىس قارقىندى دامىپ كەلەدى.
2. ەلىمىزدە بوي كوتەرگەن دەنساۋلىق ساقتاۋ نىساندارىنىڭ سانى ارتقان. 219 دەنساۋلىق ساقتاۋ نىسانى بوي كوتەرگەن. سونداي-اق مەديتسيناعا قولجەتىمدىلىك ارتىپ, ەلىمىزدىڭ كوپتەگەن اۋىلىندا جاڭا مەديتسينالىق پۋنكتتەر اشىلعان. دارىگەر تاپشىلىعى 19%-عا قىسقارعان.
3. بيىل ەل اۋماعىندا 130 جاڭا مەكتەپ اشىلعان. 220 مىڭ جاڭا وقۋشى جاڭا ءبىلىم بەرۋ مەكەمەسىندە وقىپ جاتىر,100-دەن استام مەكتەپتە ورىن تاپشىلىعى جويىلعان. بالانىڭ قالادا نەمەسە اۋىلدا تۇرعانىنا قاراماستان وقۋعا قولايلى جاعداي جاساۋ باستى نازارعا الىنىپ وتىر.
4. 5,9 ترلن تەڭگە زەينەتاقى مەن جاردەماقى تولەۋگە باعىتتالعان. 4,6 ملن قازاقستاندىق مەملەكەتتەن كومەك الادى. ازاماتتاردى قولداۋ بيۋدجەتتىڭ باسىم باعىتى بولىپ قالا بەرەدى. 2026 جىلدان باستاپ زەينەتاقى مەن جاردەماقى تاعى 10%-عا وسەدى.
5. 33 جاڭا زاۋىت ىسكە قوسىلىپ, 150 زاۋىت جاڭارتىلعان. ەندى ەلىمىزدە تۇرمىستىق تەحنيكا مەن اۆتوكولىكتەر قۇراستىرىلىپ جاتىر. «قازاقستاندا جاسالعان» تاۋارلار تىزىمىنە تەلەديدار مەن كىر جۋعىش ماشينالار ءوندىرىسى دە قوسىلدى. اۆتوموبيل شىعاراتىن زاۋىتتار دا سالىنىپ جاتىر.
6. 27,1 ملن توننا استىق جينالدى. ديقاندار ەكىنشى جىل قاتارىنان استىق جيناۋدان رەكوردتىق كورسەتكىشكە قول جەتكىزدى. ەل ازىق-ت ۇلىكپەن تولىق قامتىلعان, ەكسپورت كولەمى ارتىپ كەلەدى.
7. 13 مىڭ شاقىرىم جول سالىندى جانە جوندەۋدەن ءوتتى. قالالار اراسىنداعى جول ءجۇرۋ جىلدام ءارى قاۋىپسىز بولا باستادى, جۇك تاسىمالداۋ كولەمى 9,6%-عا ءوستى.
8. حالىقتىڭ 90%-ى ينتەرنەتپەن قامتىلدى. قازاقستان Starlink سپۋتنيكتىك ينتەرنەتىنە قول جەتكىزگەن ورتالىق ازياداعى العاشقى مەملەكەت بولدى.
9. ءبىر جىلدا 335,6 ملن اعاش وتىرعىزىلدى. 2021 جىلدان بەرى ەسەپتەسەك, 1 ميلليارد 470 ميلليون كوشەت وتىرعىزىلعان. «تازا قازاقستان» پرەزيدەنت باستاماسى اياسىندا ەلىمىز جاسىل ەلگە اينالىپ كەلەدى.
10. ەل ەكونوميكاسى 6,4%-عا ءوستى. قۋاتتى ەكونوميكا – مەملەكەتتىڭ الەۋمەتتىك مىندەتتەمەلەردى ورىنداۋ ءۇشىن رەسۋرستارى بار ەكەنىنىڭ كەپىلى. جاھاندىق نارىق تۇراقسىزدىعى جاعدايىندا دا جالاقى, زەينەتاقى تولەۋ جانە جاڭا مەكتەپتەر سالۋ ماسەلەلەرى شەت قالمادى.
