فوتو: istockphoto.com
جاڭا ەرەجەلەرگە سايكەس, كونكۋرس ەندى قاتاڭ ىرىكتەۋ تەتىگىمەن وتەدى. ەكىنشى تۋرعا تەك ءبىرىنشى كەزەڭدە قاجەتتى ءوتۋ بالىن جيناعان ۇمىتكەرلەر عانا جىبەرىلەدى. مالىمەتتەرگە سۇيەنسەك, 2025 جىلى ءوتىنىم بەرگەندەردىڭ 5%-ى (131 ادام) العاشقى كەزەڭنەن وتە الماعان.
2026 جىلدان باستاپ كۇشىنە ەنەتىن باستى وزگەرىستەر:
جوعارى وقۋ ورىندارىنا جاڭا تالاپ: ەندى شاكىرتاقى الاتىن ستۋدەنتتەر تەك QS University Rankings حالىقارالىق رەيتينگىندە ءوز باعىتى بويىنشا (by subject) ۇزدىك 100-دىككە كىرەتىن شەتەلدىك جوو-لاردا ءبىلىم الا الادى.
تەحنيكالىق ماماندىقتارعا باسىمدىق: باعدارلامانىڭ كەمىندە 60%-ى جاراتىلىستانۋ-تەحنيكالىق باعىتتارعا ارنالادى. بۇل كورسەتكىش 2022 جىلعى 59,2%-دان 2025 جىلى 69,6%-عا دەيىن وسكەن.
ەڭبەكپەن وتەۋ مۇمكىندىگى: باعدارلاما تۇلەكتەرىنە بۇۇ, بۇۇدب, ەقىۇ, شىۇ سەكىلدى حالىقارالىق جانە ايماقتىق ۇيىمداردا جۇمىس ىستەۋ ارقىلى ستيپەنديانى وتەۋگە رۇقسات بەرىلدى.
جاساندى ينتەللەكت جانە اتوم ەنەرگەتيكاسى ماماندارى «بولاشاقپەن» ءبىلىم الادى
تىلدىك شەكتەۋ: ورىس ءتىلى مەملەكەتتىك نەمەسە رەسمي ءتىل بولىپ سانالمايتىن ەلدەردە وسى تىلدە ءبىلىم الۋ نەمەسە تاعىلىمدامادان ءوتۋ مۇمكىندىگى الىنىپ تاستالدى.
قايتا قاتىسۋ: ۇمىتكەرلەرگە كونكۋرستىق ىرىكتەۋگە قايتا قاتىسۋ مۇمكىندىگى بەرىلدى.
«بولاشاق» ارقىلى اتوم ەنەرگەتيكاسى سالاسىنىڭ ماماندارىن دايارلاۋ كەڭەيەدى
ايتا كەتەرلىگى, باعدارلاماعا دەگەن قىزىعۋشىلىق ارتىپ كەلەدى. 2024 جىلى 1 893 ءوتىنىم قابىلدانسا, 2025 جىلى بۇل كورسەتكىش 2 600-گە جەتىپ, ءبىر ورىنعا تالاس 4,1 ادامدى قۇرادى. سونىمەن قاتار ەندى «بولاشاق» اياسىندا جاساندى ينتەللەكت جانە اتوم ەنەرگەتيكاسى ماماندارى دايارلانا باستايدى.
