فوتو: altn.news
ارنايى وكىلدىڭ ايتۋىنشا, ترامپتىڭ تاعايىنداۋى اقش پەن گرەنلانديا اراسىنداعى ۇلتتىق قاۋىپسىزدىك پەن ەكونوميكالىق بايلانىستى نىعايتۋدى كوزدەيدى.
«اقش ارقاشان قوناقجاي ەل بولعان جانە ترامپ اكىمشىلىگىنىڭ «بىرەۋدى جاۋلاپ الۋ» نەمەسە «بىرەۋدىڭ ەلىن باسىپ الۋ» نيەتى جوق», دەپ تۇسىندىردى دجەفف لەندري.
دانيا تاراپى ءوز كەزەگىندە حالىقارالىق قاۋىپسىزدىكتى قامتاماسىز ەتۋ دەگەن جەلەۋمەن ءبىر ەلدى ەكىنشى ەلگە قوسىپ الۋعا بولمايتىنىن جانە ۇلتتىق شەكارالار مەن مەملەكەتتەردىڭ ەگەمەندىگى حالىقارالىق قۇقىقتا بەكىتىلگەنىن مالىمدەدى.
د.ترامپ 22 جەلتوقسان كۇنى Truth Social سايتىندا «دجەفف لەندري گرەنلانديا ءبىزدىڭ ۇلتتىق قاۋىپسىزدىگىمىز ءۇشىن قانشالىقتى ماڭىزدى ەكەنىن تۇسىنەدى جانە وداقتاستارىمىزدىڭ, الەمنىڭ قاۋىپسىز بولۋىنا مۇددەلىمىز», دەپ جازدى.
23 جەلتوقسان كۇنى دانيانىڭ سىرتقى ىستەر ءمينيسترى لارس لوككە راسمۋسسەن ترامپ مالىمدەمەسى قابىلدانبايتىنىن ءارى اقش ەلشىسىن شاقىرتاتىنىن حابارلادى.
ايتا كەتەيىك, اقش رەسەي جانە ۋكراينا اراسىنداعى قاقتىعىستاردى توقتاتۋعا مۇددەلى باستى ارااعايىن بولىپ وتىر.
