بىلىكتىلەرگە سۇرانىس جوعارى

مۇنى ءبىزدىڭ كوللەدجدە دايارلانىپ جاتقان بولاشاق جاس كادرلاردىڭ ساناسىنا تالماي ءسىڭىرىپ كەلەمىز. سەبەبى ءار جاس مامان ءوزى يگەرگەن كاسىپتىڭ ماڭىزىن, ونىڭ قوعامداعى قاجەتتىلىگىن ەڭ اۋەلى سەزىنە الۋى كەرەك.

پاۆلودار ماشينا جاساۋ كوللەدجىندە 7 جىلدان بەرى جۇمىس ىستەيمىن. وسى ۋاقىتقا دەيىن جۇزدەگەن تۇلەك تۇلەپ ۇشىپ, ولاردىڭ بارلىعى دەرلىك جەرگىلىكتى كاسىپورىنداردان «ەكى قولعا – ءبىر كۇرەك» تاپتى. وبلىس ورتالىعىنداعى «ERG Servis», «قازاقستان ءاليۋ­مينيى», «KSP Steel» سىندى ءىرى زاۋىتتار, وزگە دە جوندەۋشى, قۇراستىرۋ­شى كاسىپورىندار تاراپىنان ءبىز دايارلايتىن ماماندارعا سۇرانىس تۇراقتى. كادر دايارلاۋ ىسىندە ۇنەمى ىزدەنىستە بولماساڭ, باسە­كەگە قابىلەتتى مامانداردى قالىپ­تاستىرۋ كۇردەلى ءىس. جىل سا­يىن تەحنيكالىق, كاسىپتىك ءبىلىم بەرۋ سالاسىنداعى ءتۇرلى بايقاۋ-سىندارعا قاتىسا­مىز. بيىل رەسپۋبليكالىق كاسىبي شەبەرلىك بايقاۋىندا ينجەنەرلىك سالا بويىنشا 1-ورىندى جەڭىپ الدىم. شاكىرتىم دانيل ۋسانوۆ E RG Skills 2025 III كورپوراتيۆتىك كاسىبي شەبەرلىك بايقاۋىندا «CAD ينجەنەرلىك گرافيكاسى» قۇزىرەتتىلىگىندە جەڭىمپاز اتاندى.

وقىتۋ سالاسىندا بىر­قاتار وزىندىك جوبامىز بار. الدىمىزدا ءبىلىم بەرۋ باع­دارلامالارىن ونەركاسىپپەن تىعىز بايلانىستىرۋ, ماز­مۇنىن بايىتۋ مىندەتتەرى تۇر. مۇنىڭ بارلىعى زامانعا ساي, تەرەڭ ءبىلىمدى, تەحنولو­گيا­لىق ساۋاتتى, تسيفرلىق يگىلىكتەردى مەڭگەرگەن جاس ماماندار بۋىنىن دايارلاۋدا وتە ماڭىزدى.

نۇرسۇلتان ءبايدىلدين,

پاۆلودار ماشينا جاساۋ كوللەدجىنىڭ ارنايى پاندەر وقىتۋشىسى