الايدا مۇنداي مۇڭلىق جاندار قوعام ومىرىنەن شەت قالعىسى كەلمەيدى. ويتكەنى ءبىرىنىڭ ونەرى, كەيبىرىنىڭ سپورتقا بەيىمى بار. جاقىندا وسىنداي ادامدار اراسىندا العاش رەت «جۇرەك جىلۋى» بايقاۋى ءوتتى. ماقسات – قيىندىققا ۇشىراعان ادامدارعا قولداۋ ءبىلدىرىپ, شىعارماشىلىق الەۋەتىن دامىتۋ.
وبلىس اكىمى سەرىك شاپكەنوۆتىڭ ايتۋىنشا, مەملەكەت باسشىسىنىڭ جولداۋىنداعى باستى مىندەتتىڭ ءبىرى – الەۋمەتتىك ادىلەتتىلىك پەن ينكليۋزيۆتى قوعام قۇرۋ. وسىعان وراي مۇمكىندىگى شەكتەۋلى جانداردىڭ ءومىر ءسۇرۋ ساپاسىن ارتتىرۋعا, ساپالى ءبىلىم الىپ, ەڭبەككە ارالاسۋى مەن شىعارماشىلىق الەۋەتىن دامىتۋعا باسىمدىق بەرىلىپ وتىر.
– بايقاۋعا قاتىسقان ءار ۇمىتكەر – جەڭىمپاز. ويتكەنى بۇل بايقاۋ رۋحتىڭ كۇشى مەن جىگەردىڭ قۋاتىن, ومىرگە دەگەن قۇشتارلىقتى ۇلگى ەتەدى. تاعدىردىڭ اۋىر سىناعىنا مويىماي, ەرەن ەرىك-جىگەر تانىتىپ كەلە جاتقان مۇمكىندىگى شەكتەۋلى جانداردىڭ تۇرمىسىن جاقسارتۋعا ۇلەس قوسۋ – يگىلىكتى ءىس, دەيدى س.شاپكەنوۆ.
بايقاۋعا قاتىسۋشىلاردىڭ ارقايسىسى بەلسەندىلىگىمەن, قايىرىمدى ىسىمەن تانىمال. سونداي جاننىڭ ءبىرى تىنىش جاقىپوۆا ء«ومىر گ ۇلى» قوعامدىق بىرلەستىگىن باسقارادى. وعان بىرنەشە جىلدان بەرى مۇگەدەكتىگى بار بالالاردىڭ ونەرىن ۇشتاۋعا قوسقان ۇلەسى ءۇشىن «مەيىرىمدى جۇرەك» اتالىمى بەرىلدى.
«شابىتتاندىرۋشى وتباسى» اتالىمىنا يە بولعان زايدا نۇعىمانوۆانىڭ 23 جاستاعى ەرەكشە ۇلى بار. ول ەرەكشە كۇتىمدى قاجەت ەتەتىن ۇلىن قوعامنان الشاقتاماۋعا بەيىمدەپ, شىعارماشىلىق قابىلەتىن شىڭداپ كەلەدى. وبلىستىق, رەسپۋبليكالىق, حالىقارالىق بايقاۋلارعا اپارعان ۇلى بىرنەشە رەت جۇلدەلى ورىنعا يە بولعان.
سەگىز جاسار ولجاس بەرىك سپورتتىڭ بىرنەشە ءتۇرىن سەرىك ەتىپ, ءتۇرلى جارىسقا قاتىسىپ ءجۇر. بالعىن سپورتشىنىڭ بۇل تالابى «سپورت-تىق جىگەر» اتالىمىنا لايىق دەپ تانىلدى. ونىڭ قاتارلاسى رايانا مالىكوۆا بيمەن شۇعىلدانادى. ال 11 جاسار نۇريسلام ءامىرحان ۇلى ءان ايتادى. ونەرىمەن كوپشىلىكتى ءتانتى ەتىپ جۇرگەن قوس ورەن «جىل تالانتى» اتاندى.
«جىل سەرپىنى» اتالىمىنا 15 جاستاعى نۇرداۋلەت جەڭىس يە بولدى. ول ءبيدى كەلىستىرە بيلەيدى. فۋتبولدى دا كەرەمەت وينايدى. كوماندالاستارىمەن بىرگە رەسپۋبليكالىق ءتۋرنيردىڭ جەڭىمپازى اتانعان.
17 جاستاعى جاينار قامىسباي مادەني, شىعارماشىلىق باعىتتاعى جوبالاردا جاس كوشباسشىعا لايىق بەلسەندىلىگىمەن كورىنىپ ءجۇر. ءسان ۇلگىسىن ۇسىنادى. سپورت پەن قولونەردى جانى سۇيەدى. موبيلوگرافيا سالاسىندا قولتاڭباسى بار. زامانداستارىنا ۇلگى كورسەتىپ جۇرگەن بويجەتكەن «جاس كوشباسشى» اتالىمىندا وزىپ شىقتى.
اتىراۋ وبلىسى
