سۋرەتتى تۇسىرگەن – نۇربولات نۇرجاۋباي
حالىقتىڭ داۋىس بەرۋى ارقىلى تاڭدالعان ۇزدىكتەر – قاراپايىم جاندار. ءبىرى قالا تازالىعىنا ۇلەس قوسسا, ەندى ءبىرى دەنساۋلىق سالاسىندا ەڭبەك ەتەتىن مامان. ساحناعا شىققان ۇزدىكتەر قاتارىندا باعبان دا, مۇعالىم دە, جاڭالىقتى جۇرتقا دەر كەزىندە جەتكىزەتىن جۋرناليست تە بار. تەلەارناداعى ارىپتەستەرىمىز ازىرلەگەن جاڭا جوبادا جانىمىزدا جۇرگەن ەڭبەك ادامدارىنا قۇرمەت ءبىلدىرۋ دەگەن وي جاتىر.
«ۇزدىك ۇكىمەتتىك ەمەس ۇيىم» اتالىمىندا ۇزدىك دەپ تانىلعان «ۇلاعاتتى انالار كەڭەسى» ۇەۇ مۇشەلەرى, «جىلدىڭ ەڭبەك ادامى» رەتىندە جاسى سەكسەننەن اسسا دا قالا ىرگەسىندە 8 گەكتار القاپتى ورمانعا اينالدىرعان باعبان بەكتاي سۇلەيمەنوۆ پەن «جىل بلوگەرى» بولىپ الەۋمەتتىك جەلىدە دارىگەرلەر قىزمەتىن ناسيحاتتايتىن كىشكەنتاي مەدينا رۋسلانبەك ساحناعا شىققاندا ەل قوشەمەتى ەرەكشە بولدى.
كەلەر جىلى «Qyzylorda» تەلەارناسىنىڭ اشىلعانىنا 35 جىل تولادى. تاۋەلسىزدىكپەن بىرگە تۇلەگەن ۇجىمنىڭ العاشقى باسشىسى بەلگىلى جۋرناليست جاقسىلىق بەكقوجاەۆ بولعان ەدى. ارنا ۇجىمى بۇگىندە ۇمىتىلا باستاعان وسىنداي قادىرلى جاننىڭ, تالاي تالانتتى تولقىندى تاربيەلەگەن قالامگەردىڭ ەسىمىن جاڭعىرتۋدىڭ جورالعىسىن جاسادى.
تەلەارنا ديرەكتورى نۇربەك ءاميشا «قۇدايى قوناق» اتتى جوباسىنىڭ كەيىپكەرلەرى, قول ۇستاسقان قىرىق جىلدا تاعدىردىڭ تالاي سىناعىن بىرگە جەڭگەن ەرلى-زايىپتىلار مارات پەن قالامقاسقا جاقسىلىق بەكقوجاەۆ اتىنداعى سىيلىقتى تابىستادى.
قىزىلوردا
