سونىڭ ءبىرى, «تاساشى اۋىلدىق وكرۋگى اكىمىنىڭ اپپاراتى» مم-ءنىڭ جاڭا اكىمشىلىك عيماراتى 8 اي ىشىندە سالىنىپ, وكرۋگ تۇرعىندارىنا ەسىگىن ايقارا اشتى. قۇرىلىس جۇمىستارىن «استانا – قۇرىلىس» كومپانياسى اتقارعان. 3 گەكتار اۋماققا ورنالاسقان نىساننىڭ قۇرىلىس جۇمىستارى مەن اباتتاندىرىلۋىنا بيۋدجەتتەن 349,6 ملن تەڭگە ءبولىنىپ, يگەرىلگەن. اكىمشىلىك ءۇيى مەملەكەتتىك قىزمەتكەرلەرگە ارنالعان 7 كابينەت پەن كونفەرەتس زالدان تۇرادى. ولار قاجەتتى زاماناۋي قۇرال-جابدىقتارمەن قامتاماسىز ەتىلگەن.
جاڭا عيماراتتىڭ اشىلۋ سالتاناتىنا الماتى وبلىسى اكىمى اپپاراتىنىڭ باسشىسى مۇرات باقىتكەرىم ۇلى, اۋدان اكىمى نۇرباقىت تەڭىزباەۆ, اۋداندىق ءماسليحات توراعاسى الماسبەك نۇعىمان, رايىمبەك اۋدانىنىڭ قۇرمەتتى ازاماتى راقىمحان نۇپتەكەەۆ پەن مەكەمە باسشىلارى, قوعامدىق ۇيىم وكىلدەرى, اۋىل تۇرعىندارى قاتىستى.
«مەملەكەت باسشىسى قاسىم-جومارت توقاەۆ: «ادىلەتتى قازاقستان – ەڭ الدىمەن, وڭىرلەردىڭ تەڭ دامۋى مەن اۋىلدىڭ وركەندەۋىنەن باستالادى», دەگەن بولاتىن. بۇل نىسان اۋىل تۇرعىندارىنا ساپالى مەملەكەتتىك قىزمەت كورسەتۋگە باعىتتالعان يگىلىكتى ىستەردىڭ باستاماسى بولادى», دەگەن وبلىس اكىمى اپپاراتىنىڭ باسشىسى مۇرات باقىتكەرىم ۇلى جيىلعان قاۋىمدى جاڭا عيماراتتىڭ اشىلۋىمەن قۇتتىقتادى.
«بۇگىن تاساشى اۋىلى ءۇشىن تاريحي ءارى قۋانىشتى ءسات, جاڭا سالىنعان زاماناۋي, ءساندى دە ساۋلەتتى جاڭا عيمارات اۋىل تۇرعىندارى ءۇشىن ۇلكەن جەتىستىك. بۇل عيماراتتا ماماندار بولمەسى, ءماجىلىس زالى بار, سونداي-اق, ىستىق-سۋىق سۋ قوسىلىپ, قىزمەتكەرلەرگە قولايلى جاعداي جاسالعان. وسىنداي جىلى دا جايلى ورىندا مەملەكەتتىك قىزمەتكەرلەر ءونىمدى ءارى ساپالى قىزمەت كورسەتەتىنىنە سەنىمدەمىز», دەگەن اۋدان اكىمى نۇرباقىت مولداحمەت ۇلى عيماراتتىڭ قۇرىلىس جۇمىستارىن ساپالى جۇرگىزگەن قۇرىش قولدى قۇرىلىسشىلارعا تۇرعىندار اتىنان العىس ايتتى.
كەلەسى كەزەكتە مىنبەگە كوتەرىلگەن رايىمبەك اۋدانىنىڭ قۇرمەتتى ازاماتى راقىمحان نۇپتەكەەۆ, ارداگەر ۇستاز جەڭىس قارابالاەۆ, اۋىل تۇرعىنى سارسەنباي مامىرباەۆتار ىستىق ىقىلاسقا تولى ىزگى تىلەكتەرىن جەتكىزىپ, اق باتاسىن بەردى.
سالتاناتتى شارا بارىسىندا «استانا-قۇرىلىس» كومپانياسىنىڭ ديرەكتورى نۇرلان قاسىمباەۆ تاساشى اۋىلدىق وكرۋگىنىڭ اكىمى ەربولات تورەباەۆقا عيمارات كىلتىن تابىس ەتتى. كوپتەن كۇتكەن ساۋلەتتى عيماراتتىڭ لەنتاسى قيىلىپ, اق جاۋلىقتى انالار شاشۋ شاشتى. ال, اۋداندىق مادەنيەت ءۇيىنىڭ ونەرپازدارى اۋەلەتە ءان شىرقاپ, مەرەكەنىڭ ماڭىزىن ارتتىردى.
الماتى وبلىسى,
كەگەن اۋدانى.
