فوتو: Caravan.kz
دەپۋتاتتىڭ ايتۋىنشا, جوعارى اۋديتورلىق پالاتانىڭ جۇرگىزگەن ءاۋديتى مىنا ءبىر ماڭىزدى جۇيەلىك ماسەلەنى انىق كورسەتتى: بيزنەستى قولداۋعا ارنالعان مەملەكەتتىك شارالاردىڭ قوماقتى بولىگى ناقتى ەكونوميكالىق ناتيجە بەرمەي وتىر, سوعان قاراماستان ولار ىسكە اسىرىلۋىن جالعاستىرىپ جاتىر.
«2019-2024 جىلدار ارالىعىندا كاسىپكەرلىكتى قولداۋعا شامامەن 4,5 ترلن تەڭگە بولىنگەن. الايدا كاسىپكەرلەردىڭ 80 %-دان استامى بۇل قولداۋدىڭ ناقتى جاقسارۋ اكەلگەنىن بايقاماعان, 66 %-ى قارجىلىق ەمەس قولداۋ شارالارى تۋرالى مۇلدە حابارسىز بولعان. ال ەكونوميكانىڭ قۇرىلىمىنداعى ورتا بيزنەستىڭ ۇلەسى ءالى دە 6-7 % دەڭگەيىندە قالىپ وتىر.
ءا.ءمۇتالىىنىڭ سوزىنشە, ۇلتتىق ەكونوميكا مينيسترلىگى مەن «اتامەكەن» ۇلتتىق كاسىپكەرلەر پالاتاسى اراسىنداعى ءوزارا جۇمىس ءتيىمسىز بولىپ وتىر. سونىڭ سالدارىنان ميللياردتاعان بيۋدجەت قاراجاتى كاسىپكەرلەرگە ناقتى پايدا اكەلمەي, قاعاز جۇزىندەگى ەسەپپەن عانا شەكتەلگەن.
«2024 جىلعا ارنالعان «ىسكەر ايماق» باعدارلاماسى بويىنشا 93,5 ملرد تەڭگە بولىنگەنىمەن, ونىڭ 60 %-دان استامى 5 ءىرى قالاعا باعىتتالىپ, شاعىن جانە شالعاي اۋداندار قولداۋسىز قالدى», دەدى دەپۋتات.
ءابۋتالىپ ءمۇتالىنىڭ پىكىرىنشە, قالىپتاسقان جاعداي جۇيەدەگى تەڭسىزدىكتى ايقىن كورسەتىپ وتىر: نەگىزگى قولداۋ ءىرى قالالارعا باعىتتالىپ, شاعىن قالالار مەن ەلدى مەكەندەر ءىس جۇزىندە نازاردان تىس قالىپ وتىر. قوماقتى بيۋدجەت قاراجاتى بولىنگەنىنە قاراماستان, كاسىپكەرلەر قولداۋ شارالارىنىڭ قولجەتىمدىلىگى مەن تيىمدىلىگى تومەن ەكەنىن ايتىپ وتىر.
«ۇلتتىق ەكونوميكا مينيسترلىگى مەن «اتامەكەن» نەگە ميللياردتاعان قارجىنى ناقتى ناتيجە بەرمەيتىن فورمالدى باعدارلامالارعا جۇمساپ وتىر؟ بۇل ءۇشىن كىم جاۋاپ بەرەدى جانە مەملەكەتتىك قولداۋ ەلدىڭ بارلىق وڭىرىندەگى كاسىپكەرلەرگە شىن مانىندە جەتۋى ءۇشىن قانداي ناقتى شارالار قابىلدانادى؟», دەگەن سۇراقتارمەن ءا. ءمۇتالى دەپۋتاتتىق ساۋالىن اياقتادى.
