جۇمىسىن توقتاتتى

قۋ قۇلقىننىڭ قامىن كۇيتتەگەندەر ءتۇرلى قۋلىققا بارۋدان تارتىنبايدى. اتىراۋ وبلىسىندا زاڭسىز پايدا تابۋ ماقساتىمەن قۇرىلعان جالعان كاسىپورىندار بيۋدجەتكە 380 ميلليون تەڭگەنىڭ سالىعىن تولەۋدەن جالتارىپ كەلىپتى. مۇنى پروكۋراتۋرا ورگاندارىنىڭ قىزمەتكەرلەرى تەكسەرۋ بارىسىندا انىقتاپ وتىر. سونان سوڭ وندايلاردىڭ تىركەلۋىن زاڭسىز دەپ تانۋ تۋرالى سوت ورگاندارىنا تالاپ-ارىز دا جولدانىپتى. قازىرگە دەيىن سوت شەشىمىمەن وسىنداي 14 تالاپ-ارىز قاناعاتتاندىرىلدى. وبلىستىق پروكۋراتۋرانىڭ باسقارما باسشىسىنىڭ مىندەتىن اتقارۋشى تەمىربەك ءدارجانوۆتىڭ ءمالىم ەتكەنىندەي, سوت «ماراباەۆا ت» جەكە كاسىپكەرلىگىنىڭ, «جاڭابىل», «شىلاق-ەليتسەرۆيس» جانە «رومەدا–سترويپروەكت» سەرىكتەستىكتەرىنىڭ قىزمەتتەرىن توقتاتۋعا شەشىم شىعاردى. ويتكەنى, بۇلاردىڭ 380 ميلليون تەڭگە كولەمىندەگى سالىقتى تولەۋدەن جالتارىپ كەلگەنى دالەلدەنىپ وتىر. جولداسبەك شوپەعۇل, «ەگەمەن قازاقستان». اتىراۋ.