ترانسكاسپي حالىقارالىق كولىك باعىتى ارقىلى جۇك تاسىمالى بيىل 20 پايىزعا ءوسىپ, 2,5 ملن توننانى قۇرادى. پورتتاردىڭ ءتيىمدى جۇمىسىن قامتاماسىز ەتۋ ماقساتىندا قۇرىق پورتىندا تەڭىز ءتۇبىن تەرەڭدەتۋ جۇمىستارى اتقارىلىپ, الداعى كەزەڭدە اقتاۋ تەڭىز ساۋدا پورتى اكۆاتورياسىندا جالعاسادى.
فلوتتى دامىتۋ اياسىندا 2027 جىلعا دەيىن كەمەلەر سانى 6-عا دەيىن ۇلعايتىلىپ, بيىل 7 مىڭ توننالىق «Nasipkali Marabayev» قۇرعاق جۇك كەمەسى ىسكە قوسىلدى. سونىمەن قاتار, قۇرىق پەن اليات پورتتارى اراسىندا 2028 جىلعا دەيىن 6 پاروم كەزەڭ-كەزەڭىمەن پايدالانۋعا بەرىلەدى.
ينۆەستورلاردى تارتۋ ناتيجەسىندە 2026 جىلى قۇنى 300 ملن اقش دوللارىن قۇرايتىن جاڭا تەڭىز پورتىنىڭ قۇرىلىسى (1 كەزەڭ) باستالادى. سونداي-اق, «اقتاۋ – قازاقستاننىڭ باتىس قاقپاسى» حالىقارالىق ساۋدا-لوگيستيكالىق حابىن قۇرۋ جوسپارلانعان. وسى جوبالاردىڭ ناتيجەسىندە 2030 جىلعا قاراي پورتتاردىڭ وتكىزۋ قابىلەتى 60 ملن تونناعا جەتىپ, 2 700 جاڭا جۇمىس ورنى اشىلادى.
ماڭعىستاۋ وبلىسى
