وبلىستىق پروكۋراتۋرانىڭ ءباسپاسوز قىزمەتىنەن ءمالىم ەتكەندەي, قاداعالاۋ قىزمەتىنىڭ باسىم باعىتىنىڭ ءبىرى – ينۆەستورلاردىڭ قۇقىعى مەن زاڭدى مۇددەسىن قورعاۋ.
«پروكۋراتۋرا قىزمەتكەرلەرى وسى جۇمىس اياسىندا «ۇلتتىق يندۋستريالىق مۇناي-حيميا تەحنوپاركى» ارنايى ەكونوميكالىق ايماعى اۋماعىندا جەر ۋچاسكەلەرىن ءبولۋ كەزىندە پروبلەمالىق ماسەلە تۋىنداعانىن انىقتادى.
اتاپ ايتقاندا, ارنايى ەكونوميكالىق ايمماقتىڭ بۇرىنعى قاتىسۋشىلارىنىڭ ءبىرى كىرمە جول مەن اۆتوتۇراق سالۋ ءۇشىن جەر ۋچاسكەسىن العان. الايدا كەيىننەن ول وزگە ينۆەستورلاردىڭ وتۋىنە نەگىزسىز كەدەرگى كەلتىرىپ, بۇل جوبالاردى ىسكە اسىرۋ كەزىندە ەلەۋلى قيىندىق تۋعىزدى.
وسىنىڭ سالدارىنان تىزىلىمگە ەنگىزىلگەن ينۆەستورلار – «ينتاگوكازاحستان», «TenizEcoService» جانە «رگك-كاسپي» جشس-ءنىڭ وندىرىستىك وبەكتىلەرىنە قول جەتكىزۋ مۇمكىندىگى شەكتەلىپ كەلگەن. قاداعالاۋ اكتىسىن قاراۋ ناتيجەسىندە داۋلى جەر ۋچاسكەسى مەملەكەتتىڭ مەنشىگىنە قايتارىلدى», دەپ حابارلادى پروكۋراتۋرانىڭ ءباسپاسوز قىزمەتى.
وسىلايشا, ءۇش ينۆەستوردىڭ قۇقىعى قالپىنا كەلتىرىلدى. ارنايى ەكونوميكالىق ايماق اۋماعىندا ولاردىڭ قىزمەتىنە كەدەرگى كەلتىرگەن توسقاۋىل جويىلدى.
