جەزدى كەنتىندە اشىلعان سپورت كەشەنى مەملەكەت باسشىسىنىڭ وڭىرلەردى دامىتۋ, ازاماتتاردىڭ ءومىر ءسۇرۋ ساپاسىن ارتتىرۋ جانە سالاۋاتتى ۇلت قالىپتاستىرۋعا باعىتتالعان مەملەكەتتىك ساياساتىنىڭ ناقتى ناتيجەسى. اسىرەسە, وسىنداي كوپتەن كۇتكەن زاماناۋي سپورت نىسانىنىڭ اۋىلدىق ەلدى مەكەندەردە سالىنۋى – مەملەكەت تاراپىنان بارلىق وڭىرلەرگە كوڭىل ءبولىنىپ وتىرعانىنىڭ دالەلى.
اشىلۋ راسىمىنە ۇلىتاۋ وبلىسىنىڭ اكىمى داستان رىسپەكوۆ قاتىسىپ, ءوڭىر تۇرعىندارىن جاڭا سپورت نىسانىنىڭ ىسكە قوسىلۋىمەن قۇتتىقتادى.
قوس قاباتتى سپورت كەشەنىندە باسكەتبول جانە ۆولەيبول ويىندارىنا ارنالعان امبەباپ سپورت زالى, كورەرمەندەرگە ارنالعان ورىندار, اكىمشىلىك كابينەتتەر مەن ارنايى قوسالقى بولمەلەر قاراستىرىلعان.
جاڭا نىسان تۇرعىنداردىڭ سپورتپەن تۇراقتى تۇردە اينالىسۋىنا جانە بۇقارالىق سپورتتى دامىتۋعا مۇمكىندىك بەرەدى. مۇندا بالالار مەن جاستاردىڭ سپورتپەن شۇعىلدانىپ, ءوز قابىلەتتەرىن شىڭداۋعا مۇمكىندىگى بار.
جىل سوڭىنا دەيىن ۇلىتاۋ وبلىسىنىڭ ورتالىعى جەزقازعان قالاسىندا ەسۋ سپورتىنا ارنالعان سپورت كەشەنى, جاڭاارقا اۋدانىنىڭ اتاسۋ كەنتىندە 210 ورىندىق دەنەشىنىقتىرۋ-ساۋىقتىرۋ كەشەنى, سونداي-اق ەراليەۆ اۋىلىندا انگار ۇلگىسىندەگى جىلدام سالىناتىن سپورت كەشەنى ەل يگىلىگىنە بەرىلمەك.
